पाकिस्तानात भारताचे 7 मोस्ट वाँटेड ठार; यात खलिस्तानी आणि लष्कर-ए-तैयबाच्या दहशतवाद्यांचा समावेश

By, Pravin Wankhade - November 19, 2023 07:00:10

0

वृत्तसंस्था

इस्लामाबाद : गेल्या 3 महिन्यांत पाकिस्तानमध्ये 7 दहशतवादी मारले गेले आहेत. हे ते दहशतवादी आहेत ज्यांचा भारताच्या मोस्ट वाँटेड यादीत समावेश होता. मात्र, आतापर्यंत पाकिस्तान आणि तेथील दहशतवादी संघटनांनी याबाबत मौन बाळगले आहे. मारले गेलेले सर्व दहशतवादी लष्कर-ए-तैयबा, एलईटी, हिजबुल मुजाहिदीन, जैश-ए-मोहम्मद म्हणजेच जेएम आणि खलिस्तान चळवळीशी संबंधित होते.7 of India’s most wanted killed in Pakistan; It includes Khalistani and Lashkar-e-Taiy

टाईम्स ऑफ इंडियाच्या वृत्तानुसार, नोव्हेंबरच्या पहिल्या 15 दिवसांत LeT/JeM चे 3 मोठे दहशतवादी मारले गेले आहेत. त्यापैकी एक मौलाना मसूद अजहरचा जवळचा असून लष्कर-ए-तैयबामध्ये भरतीसाठी काम करणाऱ्या एका दहशतवाद्याचाही समावेश आहे.

पाकिस्तानातील चिनी प्रोजेक्ट थंड बस्त्यात; 5 लाख कोटींचा ड्रीम प्रोजेक्ट सीपॅक संकटात

पाकिस्तान उघडपणे भारताचे नाव घेत नाही

या दहशतवाद्यांच्या हत्येची मालिका 2021 मध्ये मुंबई हल्ल्याचा मास्टरमाइंड हाफिज सईदच्या घरावरील हल्ल्यापासून सुरू झाली. तेव्हापासून दहशतवाद्यांच्या सर्व हत्यांमध्ये हाच प्रकार दिसून येतो. प्रत्येक हत्येमध्ये दुचाकीस्वार मुले येतात आणि भारतात दहशत पसरवणाऱ्या आरोपींना मारून पळून जातात. या प्रकरणाच्या तपासात सहभागी असलेले पाकिस्तानी अधिकारी उघडपणे भारताचे नाव घेत नाहीत.

या हत्यांमागे विरोधी देशाची गुप्तचर यंत्रणा असल्याचे त्यांचे म्हणणे आहे. पाकिस्तानी अधिकाऱ्याच्या म्हणण्यानुसार, या देशाने (भारत) स्थानिक मारेकऱ्यांचे जाळे तयार केले आहे. ते आखाती देशांत बसलेल्या कार्यकर्त्यांमार्फत चालवतात. पाकिस्तानच्या गुप्तचर सूत्रांनी दिलेल्या माहितीनुसार, भारत अनेक वर्षांपासून दहशतवाद्यांची नावे आणि त्यांच्या ठिकाणांची माहिती पाकिस्तानला देत आहे. त्यापैकी बहुतेक आता मारले गेले आहेत.

पाकिस्तान मृतांना दहशतवादी मानत नाही

या दहशतवाद्यांच्या हत्येची जबाबदारी स्वीकारण्यात पाकिस्तान कचरत आहे. यामागे फायनान्शियल अॅक्शन टास्क फोर्स (FATF) चा दबाव आहे. खरं तर, पाकिस्तानने FATFला आपल्या भूमीवरील दहशतवादी गटांवर कारवाई करण्याचे आश्वासन दिले होते. मारल्या गेलेल्यांना पाकिस्तान सरकार किंवा माध्यमे दहशतवादी मानत नाहीत.

मौलाना मसूद अझहरचा जवळचा मौलाना रहीम उल्लाह तारिक याची 13 नोव्हेंबर रोजी कराचीमध्ये अज्ञात लोकांनी हत्या केली होती. पाकिस्तानमध्ये ही हत्या स्थानिक मौलवीची हत्या म्हणून दाखवण्यात आली होती.