रावण नाही तर, अरविंद त्रिवेदी यांना साकारायची होती 'ही' भूमिका | Death of legend Arvind Trivedi, Accidentally got Ravan role but he auditioned for different role in Ramayana

रावण नाही तर, अरविंद त्रिवेदी यांना साकारायची होती ‘ही’ भूमिका

विशेष प्रतिनिधी

मुंबई : ‘रामायण’ मध्ये रावणाची भूमिका अजरामर करणारे अभिनेते अरविंद त्रिवेदी यांचे निधन झाले. रावण हे पात्र त्यांनी इतके उत्तमरित्या साकारले होते की इतर कोणी ही भूमिका इतकी लीलया करू शकेल असा आपण विचारही करू शकत नाही. पण ही आयकॉनिक भूमिका त्यांना योगायोगाने मिळाली होती.

Death of legend Arvind Trivedi, Accidentally got Ravan role but he auditioned for different role in Ramayana

अशी मिळाली अरविंद त्रिवेदी यांनी रावणाची भूमिका :

अरविंद त्रिवेदी यांनी ‘केवट’ या भूमिकेसाठी ऑडिशन दिली होती. रामायणामध्ये केवट हा नाविक राम लक्ष्मण आणि सीता यांना त्यांच्या वनवासकाळात गंगा पार करण्यास मदत करतो. अरविंद त्रिवेदी म्हणाले होते की, मी रामानंद सागर यांच्याकडे केवट या रामभक्ताच्या भूमिकेसाठी गेलो होतो. रामानंद सागर यांनी त्यांना केवट च्या भूमिकेत न बघता हा रावणाच्या भूमिकेसाठी उत्तम असेल हे ओळखले. त्रिवेदी यांनी सांगितले होते की, मला बघितल्यावर रामानंद सागर म्हणाले, मला माझा लंकेश रावण सापडला आहे.

‘रामायण’मध्ये रावणाची भूमिका साकारणारे अरविंद त्रिवेदी यांचे निधन, प्रकृती गेल्या दोन-तीन दिवसांपासून होती बिघडली

नकारात्मक भूमिका असलेली ही त्यांची पहिलीच भूमिका आहे. त्यांनी सुमारे 250 चित्रपटांमध्ये काम केले आणि त्या सर्व चित्रपटांमध्ये त्यांनी सकारात्मक भूमिका साकारल्या आहेत.