तामिळनाडू विधानसभा निवडणुकीत भाजपने लाडक्या बहिणींवर आणि शेतकऱ्यांवर आज तुफान सवलतींचा वर्षाव केला. दोन हजार रुपयांपासून ते थेट 50 लाख रुपयांपर्यंत खर्चाच्या योजना भाजपने जाहीर केल्या.
मार्चमध्ये किरकोळ महागाई वाढून 3.4% वर पोहोचली आहे. यापूर्वी फेब्रुवारीमध्ये ती 3.21% होती. आज 13 एप्रिल रोजी ही आकडेवारी जाहीर करण्यात आली आहे.
दिल्ली दारू धोरण प्रकरणी सोमवारी उच्च न्यायालयात सुनावणी झाली. माजी मुख्यमंत्री अरविंद केजरीवाल यांनी स्वतः युक्तिवाद केला आणि न्यायमूर्ती स्वर्णकांता शर्मा यांना या प्रकरणातून बाजूला होण्यास (रिक्यूज) सांगितले.
राज्यातील पशुपालन व्यवसायाला चालना देण्यासाठी आणि ग्रामीण भागात रोजगाराच्या नव्या संधी उपलब्ध करून देण्यासाठी मुख्यमंत्री देवेंद्र फडणवीस यांच्या सरकारने एक महत्त्वपूर्ण निर्णय घेतला आहे. ‘मुख्यमंत्री ग्रामीण पशुधन उद्योजकता योजनेत’ आता वराह पालनाचा समावेश करण्यात आला असून, यासंदर्भातील शासन निर्णय (GR) आज, १३ एप्रिल २०२६ रोजी जारी करण्यात आला आहे. भाजप आमदार गोपीचंद पडळकर आणि मंत्री नितेश राणे यांनी या व्यवसायाला चालना देण्यासाठी सातत्याने पाठपुरावा केला होता.
सुनेत्रा पवारांच्या राष्ट्रवादी काँग्रेसला मुख्यमंत्री पदाचे नुसतेच धुमारे; पण बिहारमध्ये भाजपचे सत्तांतर बंगाल सत्तांतराच्या दिशेने!!, हे राजकीय वास्तव काल आणि आज समोर आले.
राजधानी एक्सप्रेसमधून चाललेल्या एका मोठ्या ड्रग्ज तस्करीचा महसूल गुप्तचर संचालनालयाने (DRI) पर्दाफाश केला आहे. नागपूर रेल्वे स्थानकावर केलेल्या या कारवाईत एका महिला प्रवाशाकडून तब्बल ८५३ ग्रॅम कोकेन जप्त करण्यात आले. आंतरराष्ट्रीय बाजारपेठेत या अमली पदार्थाची किंमत सुमारे ४.२६ कोटी रुपये असल्याची माहिती समोर आली आहे. याप्रकरणी संबंधित महिलेला अटक करण्यात आली असून तिला न्यायालयीन कोठडी सुनावण्यात आली आहे.
नाशिकच्या बहुचर्चित अशोक खरात फसवणूक प्रकरणात प्रतिभा चाकणकर यांची सोमवारी शिर्डी पोलिसांकडून चौकशी करण्यात आली. चौकशीनंतर माध्यमांशी बोलताना चाकणकर यांनी “खाती बनावट असून सह्या देखील खोट्या आहेत” असा दावा केला होता. प्रतिभा चाकणकर यांच्या दाव्यावर सामाजिक कार्यकर्त्या अंजली दमानिया यांनी जोरदार आक्षेप घेतला आहे. “KYC केलेले खाते कधीही बनावट असू शकत नाही,” असे सांगत दमानिया यांनी चाकणकर कुटुंब आणि आरोपी अशोक खरात यांच्यातील कथित संपर्काची धक्कादायक आकडेवारीच सादर केली.
राष्ट्रवादी काँग्रेस शरदचंद्र पवार पक्षाच्या खासदार सुप्रिया सुळे यांनी भोंदू अशोक खरात प्रकरणात व्यवस्था म्हणून आम्ही सर्वजण अपयशी ठरल्याची खंत व्यक्त केली आहे. भोंदू अशोक खरातकडे जाणाऱ्या महिलांना पोलिसांकडे का जाऊ वाटले नाही? यावरून एक व्यवस्था म्हणून व व्यवस्थेत काम करणारे लोक म्हणून आम्ही सर्वजण अपयशी ठरल्याचे सिद्ध होते. या प्रकरणी सत्ताधारी व विरोधक या दोघांनीही गंभीर आत्मचिंतन केले पाहिजे, असे त्या म्हणाल्यात.
राज्य सरकारच्या आज झालेल्या मंत्रिमंडळ बैठकीत अनेक महत्त्वपूर्ण निर्णयांना मंजुरी देण्यात आली. मुख्यमंत्री देवेंद्र फडणवीस यांच्या अध्यक्षतेखाली पार पडलेल्या या बैठकीत एकूण आठ महत्त्वाचे निर्णय घेण्यात आले. यामध्ये पदभरती प्रक्रियेत सुधारणा, मुंबईत आयईएस स्किल टेक विद्यापीठाची स्थापना यांसारख्या मुद्द्यांसह ज्येष्ठ पार्श्वगायिका आशा भोसले यांच्या नावाने संगीत अकॅडमी उभारण्याचा मोठा निर्णय घेण्यात आला.
नाशिकच्या गाजलेल्या भोंदू अशोक खरात प्रकरणाचा तपास आता थेट राजकीय वर्तुळातील नातेसंबंधांपर्यंत पोहोचला असून, या प्रकरणातील चौकशीचा फास अधिक घट्ट होताना दिसत आहे. राज्य महिला आयोगाच्या माजी अध्यक्षा रुपाली चाकणकर यांच्या भगिनी प्रतिभा चाकणकर यांची सोमवारी शिर्डी पोलिस ठाण्यात तब्बल ८ तास चौकशी करण्यात आली. समता पतसंस्थेतील कोट्यवधींच्या संशयास्पद व्यवहाराप्रकरणी ही चौकशी करण्यात आली. या चौकशीदरम्यान प्रतिभा चाकणकर यांनी धक्कादायक खुलासा करत, पतसंस्थेतील ती खाती बनावट असून सर्व सह्या खोट्या असल्याचा दावा केला आहे.
देशातील कोट्यवधी शेतकऱ्यांसह संपूर्ण अर्थव्यवस्थेचे लक्ष लागून राहिलेल्या नैऋत्य मान्सून २०२६ चा पहिला अधिकृत अंदाज भारतीय हवामान विभागाने आज जाहीर केला आहे. यावर्षी देशात सरासरीच्या ९२ टक्के पाऊस पडण्याचा अंदाज वर्तवण्यात आला असून, हे प्रमाण ‘सामान्य पेक्षा कमी’ या श्रेणीत येते. पृथ्वी विज्ञान मंत्रालयाचे सचिव डॉ. एम. रविचंद्रन आणि हवामान विभागाचे महासंचालक डॉ. एम. मोहापात्रा यांनी नवी दिल्लीत आयोजित पत्रकार परिषदेत ही माहिती दिली.
युगांडाचे लष्करप्रमुख मुहुजी काइनरुगाबा यांनी तुर्कस्तानकडून 1 अब्ज डॉलर आणि ‘सर्वात सुंदर महिले’ला आपली पत्नी बनवण्याची मागणी केली आहे. त्यांनी इशारा दिला की, जर ही मागणी पूर्ण झाली नाही, तर तुर्कस्तानसोबतचे राजनैतिक संबंध संपुष्टात आणले जातील आणि तुर्कीश एअरलाइनवरही बंदी घातली जाऊ शकते.
मोदी सरकार संसदेच्या विशेष अधिवेशनात आणत असलेल्या नारीशक्ती वंदन अधिनियम या विषयाला थेट विरोध करता येत नाही म्हणून काँग्रेस आणि बाकीच्या सगळ्या विरोधकांनी लोकसभा मतदारसंघांच्या फेररचनेला विरोध चालवला आहे. त्यासाठी काँग्रेसचे अध्यक्ष मल्लिकार्जुन खर्गे यांनी पंतप्रधान नरेंद्र मोदी यांना पत्र लिहिले आहे. बाकीच्या विरोधी पक्षांच्या नेत्यांनी सुद्धा मल्लिकार्जुन खर्गे यांच्या सुरात सूर मिसळून मोदी सरकारच्या महिला आरक्षण विधेयकाला सुप्त विरोध केला आहे. सोनिया गांधी यांनी तर विशेष लेख लिहून आपला विरोध स्पष्ट केला आहे. त्यांच्या पाठोपाठ अखिलेश यादव, ममता बॅनर्जी, एम. के. स्टालिन यांच्यासारख्या मोठ्या प्रादेशिक नेत्यांनी सुद्धा विरोध केला आहे.
अमरनाथ यात्रेच्या तारखा जाहीर करण्यात आल्या आहेत. जम्मू-काश्मीरचे उपराज्यपाल मनोज सिन्हा यांनी सांगितले की, यावर्षी यात्रा 3 जुलै ते 28 ऑगस्टपर्यंत चालेल.
गेल्या आठवड्यात शेअर बाजारात झालेल्या वाढीमुळे देशातील टॉप-10 सर्वाधिक मूल्यवान कंपन्यांपैकी 8 कंपन्यांच्या बाजार भांडवलात (मार्केट कॅप) एकूण 4,13,003.23 कोटी रुपयांची वाढ झाली आहे. या वाढीमध्ये बँकिंग क्षेत्रातील HDFC बँक आणि ICICI बँक या कंपन्या आघाडीवर राहिल्या.
मुख्यमंत्री देवेंद्र फडणवीस यांच्या सरकारने आज मंत्रिमंडळाच्या बैठकीत महत्त्वाचे निर्णय घेतले.
दिल्ली सरकारने प्रदूषण कमी करण्यासाठी इलेक्ट्रिक वाहन (EV) धोरण 2026-2030 चा नवीन मसुदा शनिवारी जारी केला आहे. यानुसार, 1 जानेवारी 2027 पासून दिल्लीत फक्त इलेक्ट्रिक थ्री-व्हीलर्स (ऑटो) ची नवीन नोंदणी होईल.
पाकिस्तानला सौदी अरेबिया आणि कतारकडून 5 अब्ज डॉलर (सुमारे 46,500 कोटी रुपये) ची आर्थिक मदत मिळेल. ही मदत अशा वेळी येत आहे, जेव्हा देशाला या महिन्याच्या अखेरपर्यंत UAE ला 3.5 अब्ज डॉलर (सुमारे 29,000 कोटी रुपये) परत करायचे आहेत.
नारीशक्ती वंदन अधिनियम घटनादुरुस्ती मंजूर करून घेण्यासाठी संसदेचे विशेष अधिवेशन होत असताना काँग्रेस सह सर्व विरोधकांनी संबंधित विधेयकाला विरोधाचे भूमिका घेतली
नारीशक्ती वंदन अधिनियम संमत करून घेऊन पंतप्रधान नरेंद्र मोदींनी माजी पंतप्रधान अटल बिहारी वाजपेयी यांचे स्वप्न साकार केले आहे, अशा शब्दांमध्ये राष्ट्रीय महिला आयोगाच्या अध्यक्षा विजयाताई रहाटकर यांनी मोदी सरकारचे कौतुक केले.
राम मंदिर निर्माण समितीचे अध्यक्ष आणि यूपीचे माजी मुख्यमंत्री कल्याण सिंह यांचे मुख्य सचिव राहिलेले नृपेंद्र मिश्रा यांनी अयोध्येतील वादग्रस्त ढाचा पाडण्याशी संबंधित घटनांवर भाष्य केले. त्यांनी कारसेवकांवर गोळीबार केल्याच्या आरोपांवरही आपले मौन सोडले.
नारीशक्ती वंदन अधिनियम घटनादुरुस्ती मंजूर करून घेण्यासाठी संसदेचे विशेष अधिवेशन होत असताना काँग्रेस सह सर्व विरोधकांनी संबंधित विधेयकाला विरोधाचे भूमिका घेतली पण महिला आरक्षण 2029 मध्येच लागू करण्यासाठी विरोधकांनी आग्रह धरल्याचा ट्विस्ट पंतप्रधान नरेंद्र मोदींनी आज दिला.
काँग्रेस सरचिटणीस जयराम रमेश यांनी रविवारी सांगितले की, केंद्र सरकारला जात जनगणना बासनात गुंडाळायची आहे. तसेच, महिला आरक्षण कायद्यात बदल करून देशाची दिशाभूल करत आहे.
चीनकडून अरुणाचल प्रदेशातील ठिकाणांना बनावट नावे देण्याच्या प्रयत्नावर भारताने आक्षेप घेतला आहे. परराष्ट्र मंत्रालयाने रविवारी सांगितले की, असे खोटे दावे जमिनीवरील वस्तुस्थिती बदलू शकत नाहीत. यामुळे दोन्ही देशांमधील संबंध सामान्य करण्याच्या प्रयत्नांवर परिणाम होऊ शकतो.
अमेरिकेचे अध्यक्ष डोनाल्ड ट्रम्प यांनी घोषणा केली आहे की, अमेरिकी नौदल आता होर्मुझच्या सामुद्रधुनीतून जाणाऱ्या जहाजांना नाकाबंदी करेल.