Cruise Drugs Case : आर्यन खानचा एनसीबीवर आरोप, म्हणाला – जुन्या व्हॉट्सअॅप चॅटचा गैरवापर केला जातोय!

By, Vishal Joshi - October 23, 2021 01:30:24

0

क्रूझ ड्रग्ज प्रकरणात 3 ऑक्टोबरला अटक करण्यात आलेल्या आर्यन खानने मुंबई उच्च न्यायालयात दाखल केलेल्या जामीन अर्जात म्हटले आहे की, NCB ड्रग्ज जप्त करण्याच्या प्रकरणात त्याला अडकवण्यासाठी त्याच्या जुन्या व्हॉट्सअॅप चॅटचा गैरवापर करत आहे. New twist in cruise drugs case Aryan Khan accuses NCB of misusing old WhatsApp chat

विशेष प्रतिनिधी

मुंबई : क्रूझ ड्रग्ज प्रकरणात 3 ऑक्टोबरला अटक करण्यात आलेल्या आर्यन खानने मुंबई उच्च न्यायालयात दाखल केलेल्या जामीन अर्जात म्हटले आहे की, NCB ड्रग्ज जप्त करण्याच्या प्रकरणात त्याला अडकवण्यासाठी त्याच्या जुन्या व्हॉट्सअॅप चॅटचा गैरवापर करत आहे. आर्यन सध्या मुंबईच्या आर्थर रोड तुरुंगात असून त्याचा जामीन अर्ज दोनदा फेटाळण्यात आला आहे. त्यानंतर त्यांच्या वकिलांनी मुंबई उच्च न्यायालयात धाव घेतली आहे. या प्रकरणाची सुनावणी 26 ऑक्टोबर रोजी होणार आहे. एनसीबीने या प्रकरणात आतापर्यंत 20 जणांना अटक केली आहे.

आर्यनच्या जामिनात काय होते युक्तिवाद?

जहाजावर छापा टाकल्यानंतर एनसीबीला माझ्याजवळ कोणत्याही प्रकारचे ड्रग्ज सापडले नाही. अरबाज मर्चंट आणि अचित कुमार वगळता इतर कोणत्याही आरोपींशी माझा संबंध नाही. व्हॉट्सअॅप चॅट्स ज्याचा उल्लेख एनसीबी करत आहे त्याचा या प्रकरणाशी काहीही संबंध नाही. त्या चॅट्स खूप पूर्वीच्या आहेत. त्या कथित चॅट्स कोणत्याही षडयंत्राशी जोडल्या जाऊ शकत नाहीत, ज्यासाठी गुप्त माहिती प्राप्त झाली. तपास अधिकाऱ्याने व्हॉट्सअॅप चॅट्सचा अर्थ पूर्णपणे चुकीचा आहे.

Ananya Panday: अनन्या पांडेचा फोन जप्त;दिवसभर कसून चौकशी ; ड्रग्स कनेक्शनमध्ये समोर आलेली अनन्या पांडे नेमकी आहे तरी कोण?

सत्र न्यायालयाच्या निर्णयावर उपस्थित केलेले प्रश्न

आर्यन खानने जामीन न देण्याच्या सत्र न्यायालयाच्या निर्णयावरही प्रश्नचिन्ह उपस्थित केले आहे. न्यायालयाने म्हटले होते की, आर्यन प्रभावशाली आहे, त्यामुळे कोठडीतून सुटल्यावर तो पुराव्यांशी छेडछाड करू शकतो. यावर आर्यनने म्हटले आहे की ‘एखादी व्यक्ती प्रभावशाली आहे म्हणून तो पुराव्यांशी छेडछाड करेलच असे नाही.’

कोर्टाने आर्यनला ठरवले कटाचा भाग

एनसीबीने अरबाज मर्चंट आणि मुनमुन धमिचा यांच्यासह आर्यन खानला ३ ऑक्टोबरला अटक केली होती. सध्या तिघेही न्यायालयीन कोठडीत आहेत. आर्यन खान आणि इतर आरोपी मुंबईतील आर्थर रोड जेलमध्ये आहेत, तर धमिचा भायखळा महिला जेलमध्ये आहेत. नारकोटिक्स ड्रग्स अँड सायकोट्रॉपिक सब्स्टन्स अॅक्ट (एनडीपीएस) संबंधित प्रकरणांची सुनावणी करण्यासाठी आर्यनला कटाचा भाग असल्याचे सांगून जामीन नाकारण्यात आला होता.