टायगर श्रॉफ हल्ला प्रकरणी मुंबई पोलिसांना मुख्यमंत्र्यांचे निर्देश; तपासात काय घडणार?

By, wankhadepravin - October 19, 2026 07:30:28

0

विशेष प्रतिनिधी

मुंबई : बॉलिवूड अभिनेता टायगर श्रॉफ याच्याशी संबंधित कथित गोळीबार प्रकरणाची मुख्यमंत्री देवेंद्र फडणवीस यांनी गंभीर दखल घेतली आहे. या प्रकरणाचा तपास तातडीने पूर्ण करून दोषींवर कठोर कारवाई करण्याचे निर्देश त्यांनी मुंबई पोलिसांना दिल्याचे सांगण्यात येत आहे. या घटनेच्या तपासासाठी मुंबई पोलिसांनी १५ विशेष तपास पथके स्थापन केल्याचीही माहिती समोर आलीTiger Shroff आहे.

मिळालेल्या माहितीनुसार, मुख्यमंत्री फडणवीस यांनी मुंबई पोलीस आयुक्तांशी दूरध्वनीवरून संपर्क साधत कथित हल्ल्याबाबत सविस्तर माहिती घेतली. या प्रकरणात आतापर्यंत करण्यात आलेल्या तपासाची प्रगती, संशयितांचा शोध आणि पुढील कारवाई याबाबत त्यांनी आढावा घेतल्याचे सांगण्यात येत आहे.

‘सत्ता बदलायची असेल तर निवडणुका जिंका’; रेजीम चेंजच्या मुद्द्यावर फडणवीसांचा विरोधकांना इशारा

टायगर श्रॉफशी संबंधित कथित गोळीबार प्रकरणाच्या तपासासाठी मुंबई पोलिसांनी १५ विशेष पथके स्थापन केल्याचे वृत्त आहे. या पथकांमार्फत घटनेमागील नेमके कारण, संशयितांची ओळख आणि उपलब्ध पुराव्यांची पडताळणी करण्यात येणार असल्याचे सांगण्यात येत आहे. तपासाला गती देण्यासाठी विविध पथकांमध्ये समन्वय ठेवून संशयितांचा शोध घेण्यावर भर दिला जाणार आहे.

या प्रकरणाचा तपास कोणत्याही विलंबाशिवाय पूर्ण करण्याच्या सूचना मुख्यमंत्री फडणवीस यांनी दिल्या आहे. घटनेला जबाबदार असलेल्या व्यक्तींची ओळख पटवून त्यांच्यावर कायद्यानुसार कठोर कारवाई करण्याचे निर्देश देण्यात आल्याचे सांगण्यात येत आहे.

दरम्यान, कथित हल्ल्याचा तपास नेमका कोणत्या टप्प्यावर आहे, संशयितांची ओळख पटली आहे का आणि घटनेमागील कारण काय, याबाबत अधिकृत माहितीची प्रतीक्षा आहे