Tamil Nadu तामिळनाडूतील सीफूड फॅक्टरीत गॅस गळती, 2 जणांचा मृत्यू:65 पेक्षा जास्त जखमी, 9 व्हेंटिलेटरवर; मृतांमध्ये सर्व महिला

Tamil Nadu : तामिळनाडूतील सीफूड फॅक्टरीत गॅस गळती, 2 जणांचा मृत्यू:65 पेक्षा जास्त जखमी, 9 व्हेंटिलेटरवर; मृतांमध्ये सर्व महिला

वृत्तसंस्था

चेन्नई : Tamil Nadu तामिळनाडूच्या तिरुवल्लूर जिल्ह्यात रविवारी एका सीफूड निर्यात कारखान्यात अमोनिया वायूची गळती झाली. पीटीआयच्या वृत्तानुसार, या अपघातात 2 महिला कर्मचाऱ्यांचा मृत्यू झाला, तर 67 जण जखमी झाले आहेत. जखमींपैकी 9 जण व्हेंटिलेटरवर आहेत. वायू गळतीची घटना सेंट पीटर्स पॉल सीफूड्स एक्सपोर्ट्स युनिटमध्ये घडली.Tamil Nadu

घटनेची माहिती मिळताच अरक्कोनम येथील एनडीआरएफच्या चौथ्या बटालियन मुख्यालयातून 30 सदस्यांची एनडीआरएफ टीम तातडीने घटनास्थळी रवाना झाली.Tamil Nadu

Fadnavis : माहिती अधिकार हा पैसे कमावण्याचे साधन नाही:RTIमधील बदलांवर अण्णा हजारे संतप्त; फडणवीस सरकारला उपोषणाचा इशारा

मृतकांच्या कुटुंबीयांना २ लाख रुपयांची भरपाई

तामिळनाडू सरकारने मृतकांच्या कुटुंबीयांना २ लाख रुपयांची आर्थिक मदत जाहीर केली आहे. रुग्णालयात दाखल झालेल्या कर्मचाऱ्यांवर उपचार सुनिश्चित करण्याचे निर्देशही रुग्णालयांना देण्यात आले आहेत.

९ रुग्णांना चेन्नई येथे रेफर केले.

जिल्हाधिकारी एस. कविता यांनी सांगितले की, ४६ रुग्णांना वेल्स रुग्णालयात आणि २१ रुग्णांना व्यंकटेश्वरा रुग्णालयात दाखल करण्यात आले आहे. गंभीर अवस्थेतील नऊ रुग्णांना चांगल्या उपचारांसाठी रुग्णवाहिकेने चेन्नई येथील शासकीय स्टॅनले मेडिकल कॉलेज रुग्णालयात हलवण्यात आले आहे.

बळी पडलेल्यांपैकी बहुतेक २४ ते २५ वयोगटातील तरुण महिला होत्या. त्यांनी सांगितले की, रुग्णांच्या नाडी आणि रक्तदाबावर लक्ष ठेवले जात आहे. अनेकांचा रक्तदाब कमी असला तरी, त्यांचे वय कमी असल्याने त्या बऱ्या होण्याची शक्यता आहे.