Nitin Gadkari : नितीन गडकरींची घोषणा!, महामार्गांवर फक्त तीन हजार रुपयांत तणावमुक्त प्रवास होणार शक्य

By, Pravin Wankhade - June 18, 2025 05:30:12

0

जाणून घ्या, नेमका कोणाला मिळणार याचा फायदा?

विशेष प्रतिनिधी

नवी दिल्ली – Nitin Gadkari केंद्रीय रस्ते वाहतूक आणि महामार्ग मंत्री नितीन गडकरी यांनी मोठी घोषणा केली आहे. त्यांनी सोशल मीडियावर माहिती दिली आहे की देशात लवकरच वार्षिक फास्टॅग पास सुरू होणार आहे. गडकरींनी नेमकी काय माहिती दिली आणि याचा फायदा कोणत्या प्रकारच्या वाहनांना होईल, हे पाहूयात.Nitin Gadkari

केंद्रीय मंत्री नितीन गडकरी यांनी माहिती दिली आहे की आता देशात फास्टॅग आधारित वार्षिक पास सुरू होईल हा पास १५ ऑगस्ट २०२५ पासून सुरू होईल, जो एका वर्षासाठी प्रभावी असेल. या पाससाठी लोकांना तीन हजार रुपये शुल्क भरावे लागेल. ते म्हणाले की हे धोरण ६० किमीच्या परिघात असलेल्या टोल प्लाझांबद्दलच्या दीर्घकालीन चिंता अधोरेखित करेल आणि एकाच सोयीस्कर व्यवहाराद्वारे टोल भरणे सोपे करेल.

प्रधानमंत्री धरती आबा योजनेतून महाराष्ट्रात आदिवासींना प्रातिनिधीक स्वरुपात वनपट्टे वाटप!!

तसेच गडकरींनी म्हटले आहे की असे पास गैर-व्यावसायिक खासगी वाहनांसाठी जारी केले जातील. ज्यामध्ये कार, व्हॅन, जीप यांचा समावेश आहे. असे पास कोणत्याही व्यावसायिक लहान वाहनांसाठी आणि ट्रक, बससाठी वापरले जाऊ शकत नाहीत.

फास्टॅगवर आधारित वार्षिक पास देशातील राष्ट्रीय महामार्ग आणि एक्सप्रेसवेवर वैध असेल. तथापि, तो जारी झाल्यानंतर फक्त एक वर्ष किंवा २०० ट्रिपसाठी (जे आधी असेल ते) वापरता येईल. हा पास हायवे ट्रॅव्हल अॅप तसेच राष्ट्रीय महामार्ग प्राधिकरणाच्या अधिकृत वेबसाइटवर तसेच MoRTH वर उपलब्ध करून दिला जाईल.