वर्ल्ड कप फायनल बघण्यासाठी पंतप्रधान मोदी, गृहमंत्री शाह अहमदाबादला जाणार

ऑस्ट्रेलियाचे पंतप्रधान अँथनी अल्बानीज आणि उपपंतप्रधान रिचर्ड मार्लेस यांनाही या सामन्यासाठी आमंत्रित करण्यात आले आहे.

विशेष प्रतिनिधी

नवी दिल्ली : क्रिकेट विश्वचषक स्पर्धेचा अंतिम सामना भारत आणि ऑस्ट्रेलिया यांच्यात 19 नोव्हेंबर रोजी अहमदाबादच्या नरेंद्र मोदी स्टेडियमवर होणार आहे. हा रोमांचक महामुकाबला पाहण्यासाठी पंतप्रधान नरेंद्र मोदी स्वतः अहमदाबादला पोहोचणार आहेत. त्यांच्यासोबत देशाचे गृहमंत्री अमित शहा देखील उपस्थित राहणार आहेत.Prime Minister Modi Home Minister Shah will go to Ahmedabad to watch the World Cup final

T20 वर्ल्ड कप मधली भारत – पाकिस्तान मॅच स्थगित करा; बिहारच्या उपमुख्यमंत्र्यांची मागणी

एवढेच नाही तर ऑस्ट्रेलियाचे पंतप्रधान अँथनी अल्बानीज आणि डेप्युटी पीएम रिचर्ड मार्लेस यांनाही या सामन्यासाठी आमंत्रित करण्यात आले आहे. अहमदाबादच्या नरेंद्र मोदी स्टेडियमवर ऑस्ट्रेलियाचे पंतप्रधान आणि उपपंतप्रधानही हा शानदार सामना पाहतील अशी अपेक्षा आहे. मात्र, दोघांकडूनही दुजोरा मिळण्याची प्रतीक्षा आहे.

ऑस्ट्रेलिया आठव्यांदा अंतिम सामना खेळणार आहे. तर भारतीय संघाचा विश्वचषकातील हा चौथा विजेतेपदाचा सामना असेल. सध्या पंतप्रधान मोदींचा गुजरात दौरा निश्चित होत आहे. चोख सुरक्षा व्यवस्था करण्यात येत आहे. पंतप्रधान 19 नोव्हेंबरला दुपारनंतर अहमदाबादला पोहोचतील आणि सामना पाहिल्यानंतर ते गांधीनगर राजभवनात रात्रभर विश्रांती घेतील. येथून दुसऱ्याच दिवशी 20 नोव्हेंबरला सकाळी पंतप्रधान राजस्थानच्या निवडणूक दौऱ्यावर रवाना होतील.