खलिस्तानी दहशतवादी पन्नूच्या धमकीनंतर दिल्ली आणि पंजाब विमानतळांवर सुरक्षा वाढवली!|Security increased at Delhi and Punjab airports after Khalistani terrorist Pannus threat

खलिस्तानी दहशतवादी पन्नूच्या धमकीनंतर दिल्ली आणि पंजाब विमानतळांवर सुरक्षा वाढवली!

नोव्हेंबर अखेरपर्यंत दिल्ली विमानतळावर पर्यटकांसाठी तात्पुरत्या विमानतळ प्रवेश पासवर बंदी

विशेष प्रतिनिधी

नवी दिल्ली – खलिस्तानी दहशतवादी गुरपतवंत सिंग पन्नूच्या धमकीनंतर दिल्ली आणि पंजाब विमानतळांवर सुरक्षा वाढवण्यात आली आहे. ब्युरो ऑफ सिव्हिल एव्हिएशन सिक्युरिटी (BCAS) ने दिल्ली आणि पंजाब विमानतळांवर अभ्यागतांना प्रवेश पास देण्यास बंदी घातली आहे. नोव्हेंबर अखेरपर्यंत दिल्ली विमानतळावरील अभ्यागतांसाठी तात्पुरत्या विमानतळ प्रवेश पासवर (TAEP) बंदी असेल.Security increased at Delhi and Punjab airports after Khalistani terrorist Pannus threat

खलिस्तानी अतिरेकी पन्नूच्या कॅनडात प्रवेशावर बंदी घाला, कॅनडातील हिंदू फोरमची ट्रूडो सरकारकडे मागणी

टाईम्स ऑफ इंडियाच्या वृत्तानुसार, विमानतळ प्राधिकरणाला 6 नोव्हेंबरला अभ्यागतांच्या संदर्भात ही सूचना देण्यात आली होती. याशिवाय प्रवाशांचे सामानही बारकाईने तपासले जाणार आहे. प्रवाशांच्या बॅगा आणि सामानाची कडक तपासणी केली जात आहे. दिल्ली आणि पंजाब विमानतळांवर हे प्रक्रिया सुरू झाली आहे.

विमान वाहतूक सुरक्षा नियामकाने सांगितले की, भारतातील विमानतळ, हवाई पट्टी, एअरफील्ड, एअरफोर्स स्टेशन, हेलिपॅड, फ्लाइट स्कूल आणि विमान वाहतूक प्रशिक्षण शाळांसारख्या नागरी विमान वाहतूक आस्थापनांना धोका लक्षात घेऊन ही पावले उचलण्यात आली आहेत. भारताने कॅनडाला सुरक्षा वाढवण्यास सांगितले असून पन्नूवर कारवाई करण्याची मागणीही केली आहे.