बांगलादेशात 2 रेल्वेंच्या भीषण धडकेत 20 ठार; मृतांची संख्या वाढण्याची भीती; चालकाच्या चुकीमुळे दुर्घटना|20 killed in Bangladesh train collision; Fears of rising death toll; Accident due to driver error

बांगलादेशात 2 रेल्वेंच्या भीषण धडकेत 20 ठार; मृतांची संख्या वाढण्याची भीती; चालकाच्या चुकीमुळे दुर्घटना

वृत्तसंस्था

ढाका : बांगलादेशात सोमवारी दुपारी दोन गाड्यांची टक्कर झाली. ‘ढाका ट्रिब्यून’ या वृत्तपत्रानुसार, या घटनेत आतापर्यंत 20 जणांचा मृत्यू झाल्याची पुष्टी झाली आहे. सुमारे 100 जण जखमी झाले आहेत. यातील अनेकांची प्रकृती गंभीर आहे.20 killed in Bangladesh train collision; Fears of rising death toll; Accident due to driver error

किशोरगंज परिसरात ही टक्कर झाली. रुळावर उभ्या असलेल्या मालगाडीला पॅसेंजर ट्रेनची धडक बसली. प्रवासी ट्रेनच्या डब्यांमध्ये अजूनही अनेक लोक अडकले आहेत. घटनास्थळी बचाव पथक हजर आहे.

बांगलादेशात मंदिरांवरील हल्ल्यांत दुपटीने वाढ; तेथील हिंदूंना दूर्गापूजेची चिंता, सरकारसमोर पेच

19 मृतदेह बाहेर काढले

‘बांगलादेश टुडे’च्या वृत्तानुसार, आतापर्यंत 19 मृतदेह बाहेर काढण्यात आले आहेत. अग्निशमन सेवा आणि नागरी संरक्षण विभागाचे सहाय्यक संचालक प्रधान सरकार यांनी याला दुजोरा दिला आहे.

स्थानिक पोलीस अधिकारी अब्दुल अलीम सिकदार यांनी सांगितले – अनेक जखमींची प्रकृती गंभीर आहे. काही लोक अजूनही ट्रेनखाली आणि डब्यांमध्ये अडकले आहेत. त्यांना काढण्याचे प्रयत्न सुरू आहेत. पॅसेंजर ट्रेनचे दोन डबे पूर्णपणे उद्ध्वस्त झाले आहेत. दुपारी चारच्या सुमारास ही घटना घडली. या अपघातानंतर ढाका-चितगाव आणि सिल्हेत-किशोरगंज मार्गावरील रेल्वे सेवा बंद करण्यात आली आहे. ट्रॅकचे मोठे नुकसान झाले आहे.

प्राथमिक माहितीनुसार, सिग्नल मिळूनही मालगाडीच्या चालकाने ट्रेन दुसऱ्या ट्रॅकवर हलवली नाही, असे अपघाताच्या प्राथमिक तपासात समोर आले आहे. पलीकडून येणाऱ्या पॅसेंजर ट्रेनच्या चालकाने प्रयत्न करूनही अपघात टाळता आला नाही. त्याला त्याचा ट्रॅकही बदलावा लागला. सरकारने या प्रकरणाची चौकशी करण्याची घोषणा केली आहे.