सलमान रश्दींच्या प्रकृतीत सुधारणा : व्हेंटिलेटर काढल्यानंतर बोलत होते, चाकूने वार करत झाला होता प्राणघातक हल्ला|Salman Rushdie's condition improved Talking after being removed from ventilator, knife attack took place

सलमान रश्दींच्या प्रकृतीत सुधारणा : व्हेंटिलेटर काढल्यानंतर बोलत होते, चाकूने वार करत झाला होता प्राणघातक हल्ला

जगप्रसिद्ध लेखक सलमान रश्दी यांच्यावर न्यूयॉर्कमध्ये झालेल्या प्राणघातक हल्ल्यानंतर त्यांना रुग्णालयात दाखल करण्यात आले आहे. गंभीर जखमी सलमान रश्दी यांच्यावर उपचार सुरू आहेत. त्याच्यावर डॉक्टरांनी शस्त्रक्रिया केली आहे. मिळालेल्या माहितीनुसार, त्यांच्या प्रकृतीत सुधारणा होत आहे. मीडिया रिपोर्ट्सनुसार, त्यांना आता व्हेंटिलेटरवरून काढण्यात आले आहे. गंभीर जखमी झाल्याने त्यांना व्हेंटिलेटरवर ठेवण्यात आले होते.Salman Rushdie’s condition improved Talking after being removed from ventilator, knife attack took place

रश्दी यांच्या शरीरावर चाकूने हल्ला केल्याच्या अनेक खुणा होत्या. हल्ल्यानंतर रश्दी रक्ताच्या थारोळ्यात पडले होते. सलमान रश्दी शुक्रवारी न्यूयॉर्कमध्ये एका कार्यक्रमात व्याख्यान देण्यासाठी पोहोचले होते, त्यावेळी त्यांच्यावर हल्ला झाला.

बुकर पुरस्कार विजेते लेखक सलमान रश्दी यांच्यावर न्यूयॉर्कमध्ये भर कार्यक्रमात चाकू हल्ला!!

सलमान रश्दी यांच्या प्रकृतीत सुधारणा

इंग्रजी भाषेतील प्रसिद्ध लेखक सलमान रश्दी अजूनही गंभीर जखमी अवस्थेत रुग्णालयात दाखल आहे. मात्र, आता त्यांची प्रकृती थोडी सुधारली आहे. एपी या वृत्तसंस्थेनुसार, आता त्यांना व्हेंटिलेटरमधून बाहेर काढण्यात आले आहे. मिळालेल्या माहितीनुसार, ते आता बोलू शकत आहेत. सहकारी लेखक आतिश तासीर यांनी संध्याकाळी ट्विट केले की, ते व्हेंटिलेटरमधून बाहेर आले आहेत आणि बोलत आहेत. त्यांनी सांगितले की, रश्दी यांनी संभाषणादरम्यान काही विनोदही केले.

न्यूयॉर्कमधील कार्यक्रमावर हल्ला

“द सॅटॅनिक व्हर्सेस”चे वादग्रस्त लेखक सलमान रश्दी न्यूयॉर्कमधील चौटौका इन्स्टिट्यूटमध्ये एका कार्यक्रमात बोलण्यासाठी जात असताना त्यांच्यावर हल्ला करण्यात आला. व्याख्यानापूर्वीच त्यांच्यावर प्राणघातक हल्ला झाला होता. हल्लेखोराने त्याच्यावर चाकूने वार केले. रश्दी जमिनीवर कोसळले होते. या हल्ल्यात गंभीर जखमी झालेल्या रश्दी यांना तातडीने रुग्णालयात दाखल करण्यात आले.

हल्ला कोणी केला?

लेखक सलमान रश्दी यांच्यावर हल्ला करणारा व्यक्ती न्यू जर्सी येथील रहिवासी असल्याचे सांगण्यात येत आहे. न्यूयॉर्कमधील एका कार्यक्रमात ते व्याख्यान देणार होते, तेव्हा एका व्यक्तीने स्टेजवर चढून लेखकाला धक्काबुक्की केली आणि त्याच्यावर चाकूने हल्ला केला. पोलिसांनी हल्लेखोराची ओळख हदी मातर अशी केली आहे. त्याचे वय 24 वर्षे असल्याचे सांगण्यात येत आहे. लेखक सलमान रश्दी यांच्यावर चाकूने वार केल्यानंतर हादी मातरला पोलिसांनी ताब्यात घेतले होते.