Zydus Cadila च्या कोरोना लसीला या आठवड्यात मिळू शकते आपत्कालीन वापराची मंजुरी, गेल्या महिन्यातच दिला होता डेटा

Zydus Cadila corona vaccine may get emergency use approval this week

Zydus Cadila : देशात कोरोनाच्या तिसऱ्या लाटेचा धोका लक्षात घेता, सरकार लसीकरणावर जास्त भर देत आहे. आता झायडस कॅडिला यांनी विकसित केलेल्या कोरोना लसीला या आठवड्यात मंजुरी मिळण्याची शक्यता आहे. अहमदाबादस्थित झायडस कॅडिलाने जुलै महिन्यात भारताचे औषध नियामक, ड्रग कंट्रोलर जनरल ऑफ इंडिया (DCGI)ला इम्युनोजेनिसिटी आणि सुरक्षिततेशी संबंधित अतिरिक्त डेटा सादर केला. विविध मीडिया रिपोर्ट्सनुसार, यापूर्वी औषध नियामकांनी अहमदाबादस्थित फार्मा कंपनीला अधिक डेटासह परत सादर करण्यास सांगितले होते. Zydus Cadila corona vaccine may get emergency use approval this week


विशेष प्रतिनिधी

नवी दिल्ली : देशात कोरोनाच्या तिसऱ्या लाटेचा धोका लक्षात घेता, सरकार लसीकरणावर जास्त भर देत आहे. आता झायडस कॅडिला यांनी विकसित केलेल्या कोरोना लसीला या आठवड्यात मंजुरी मिळण्याची शक्यता आहे. अहमदाबादस्थित झायडस कॅडिलाने जुलै महिन्यात भारताचे औषध नियामक, ड्रग कंट्रोलर जनरल ऑफ इंडिया (DCGI)ला इम्युनोजेनिसिटी आणि सुरक्षिततेशी संबंधित अतिरिक्त डेटा सादर केला. विविध मीडिया रिपोर्ट्सनुसार, यापूर्वी औषध नियामकांनी अहमदाबादस्थित फार्मा कंपनीला अधिक डेटासह परत सादर करण्यास सांगितले होते.

झायडस कॅडिलाने 1 जुलै रोजी ZyCoV-D साठी तातडीच्या वापराची मंजुरी मिळावी यासाठी विनंती केली होती. त्यांची जगातील पहिली प्लाझ्मिड डीएनए लस आहे. ही लस जर मंजूर झाली, तर भारत बायोटेकच्या कोव्हॅक्सिननंतर ही देशातील दुसरी स्वदेशी लस असेल.

कसे काम करते ही लस?

ही प्लाझ्मिड डीएनए लस आहे. प्लाझ्मिड हा डीएनएचा एक लहान गोलाकार तुकडा आहे जो माणसामध्ये आढळतो. ही लस मानवी शरीरातील पेशींच्या मदतीने कोरोना विषाणूचे स्पाइक प्रोटीन तयार करते. यामुळे शरीराला कोरोना विषाणूचा महत्त्वाचा भाग ओळखण्यास मदत होते. अशा प्रकारे शरीरात या विषाणूपासून संरक्षक प्रणाली तयार होते.

ही लस मानवाच्या त्वचेवाटे दिली जाते. ती लावताना टोचल्यासारखे वाटते. ही लस लागू करण्यासाठी, स्प्रिंगच्या मदतीने तयार केलेले उपकरण वापरले जाते आणि ही लस थेट त्वचेवर लावता येते.

या लसीचे किती डोस दिले जातील?

या लसीची चाचणी तीन डोसनुसार करण्यात आली आहे. दुसरा डोस पहिल्या डोसनंतर 21 दिवसांनी आणि तिसरा डोस 56 दिवसांनी दिला जाईल. परंतु कंपनीने असेही म्हटले आहे की, त्यांनी या लसीची दोन डोसमध्ये चाचणी केली आहे आणि समान परिणाम मिळाले आहेत. अशा परिस्थितीत या लसीचे फक्त दोन डोस लागू दिले जाण्याचीही शक्यता आहे.

Zydus Cadila corona vaccine may get emergency use approval this week

महत्त्वाच्या बातम्या

LEAVE A COMMENT

To be published, comments must be reviewed by the administrator.*



    शिंदे – फडणवीसांची समृद्धी महामार्गावर टेस्ट ड्राईव्ह मोदींनी केला जगातील सर्वात मोठा रोड शो! मंत्रालयात प्रवेशद्वाराजवळ महात्मा फुले, सावित्रीबाई फुले यांच्या तैलचित्राचे अनावरण