नाशकात भगवी शॉल घालून 'काश्मीर फाइल्स' चित्रपटासाठी गेलेल्या महिलांना रोखलं, थिएटरबाहेरच काढायला लावली गळ्यातील शॉल, भाजपची मुख्यमंत्र्यांवर टीका|Women wearing saffron shawls in Nashik stopped for Kashmir Files movie, forced to remove shawls outside the theater

नाशकात भगवी शॉल घालून ‘काश्मीर फाइल्स’ चित्रपटासाठी गेलेल्या महिलांना रोखलं, थिएटरबाहेरच काढायला लावली गळ्यातील शॉल, भाजपची मुख्यमंत्र्यांवर टीका

भाजपने गुरुवारी सत्ताधारी शिवसेनेवर निशाणा साधला. नाशिकमधील काही महिलांना ‘द काश्मीर फाइल्स’ हा हिंदी चित्रपट पाहण्यासाठी सिनेमागृहात जाण्यापूर्वी त्यांनी गळ्यात घातलेली भगवी शॉल काढण्यास सांगण्यात आले होते. विरोधी पक्ष भाजपने यावरून राज्याचे मुख्यमंत्री उद्धव ठाकरे यांना सवाल केला की, हेच त्यांचे हिंदुत्व आहे का? बुधवारी, काही महिलांना नाशिकच्या सिनेगृहात विवेक अग्निहोत्री दिग्दर्शित चित्रपट पाहण्यासाठी थिएटरमध्ये जाण्यापूर्वी भगवी शॉल काढण्यात लावल्यावरून विविध प्रतिक्रिया उमटल्या आहेत.Women wearing saffron shawls in Nashik stopped for Kashmir Files movie, forced to remove shawls outside the theater

वृत्तसंस्था

नाशिक : भाजपने गुरुवारी सत्ताधारी शिवसेनेवर निशाणा साधला. नाशिकमधील काही महिलांना ‘द काश्मीर फाइल्स’ हा हिंदी चित्रपट पाहण्यासाठी सिनेमागृहात जाण्यापूर्वी त्यांनी गळ्यात घातलेली भगवी शॉल काढण्यास सांगण्यात आले होते. विरोधी पक्ष भाजपने यावरून राज्याचे मुख्यमंत्री उद्धव ठाकरे यांना सवाल केला की, हेच त्यांचे हिंदुत्व आहे का? बुधवारी, काही महिलांना नाशिकच्या सिनेगृहात विवेक अग्निहोत्री दिग्दर्शित चित्रपट पाहण्यासाठी थिएटरमध्ये जाण्यापूर्वी भगवी शॉल काढण्यात लावल्यावरून विविध प्रतिक्रिया उमटल्या आहेत.

या घटनेवर ट्विट करून, राज्य भाजपने म्हटले की, ‘द काश्मीर फाइल्स’ चित्रपटासाठी नाशिकमध्ये भगवी शाल परिधान केलेल्या महिला प्रेक्षकांना शाल बाहेर ठेवण्यास सांगितले होते. हेच तुमचे हिंदुत्वाचे रूप आहे का उद्धवजी? असा सवाल भाजपने ठाकरे यांच्या कार्यालयाच्या ट्विटर हँडलवर पोस्ट करताना केला. भाजपने आपल्या ट्विटमध्ये शिवसेनेच्या हिंदुत्वाप्रति असलेल्या बांधिलकीवर संशय व्यक्त करत ‘हिरवे रक्त’सारखे शब्द वापरले आणि ठाकरे यांच्या नेतृत्वाखालील पक्ष आता ‘जनाब सेना’ झाला असल्याचा दावा केला.

ED – IT Raids : युनिव्हर्सल एज्युकेशन ग्रुपवर ईडी – इन्कम टॅक्सचे देशभर छापे, मुंबई, ठाणे, नाशकातल्या ऑफिसेसवरही तपास!!

'हिरवे तुमचे रक्त तळपते, लुप्त हिंदुत्व बाणा
जात धर्म अन गोत्र सोडुनी बनली जनाब सेना'

नाशिक मध्ये, चित्रपटगृहात भगवी शॉल घालून 'द कश्मीर फाईल' पाहण्यासाठी जाणाऱ्या महिलांना पोलिसांनी रोखलं! चित्रपटगृहाच्या गेटवर शॉल उतरवून घेण्यात आल्या.@OfficeofUT जी हेच हिंदुत्व तुमचं? https://t.co/y4ufxzCV8B

— भाजपा महाराष्ट्र (@BJP4Maharashtra) March 24, 2022

राजकीय वर्तुळात चर्चा

‘द कश्मीर फाइल्स’ या चित्रपटात पाकिस्तान समर्थित दहशतवाद्यांनी काश्मिरी हिंदूंच्या हत्येनंतरचे निर्गमनाचे चित्रण केले आहे. 11 मार्च रोजी प्रदर्शित झालेल्या या चित्रपटाबाबत राजकीय पक्षांमध्ये वाद सुरू आहे. मध्य प्रदेश आणि गुजरातसह अनेक भाजपशासित राज्यांनी चित्रपटाला करमणूक करातून सूट दिली आहे. एका महिलेने सांगितले की, महिला मंडळाच्या सर्व महिलांनी भगव्या रंगाचे स्कार्फ घातले होते, पण त्यांनी आमचे स्कार्फ गेटवरच काढले. दुसरीकडे, पोलिस निरीक्षक प्रमोद चौहान यांनी सांगितले की, येथे वाद झाला होता, जो नंतर संपला.

मिळालेल्या माहितीनुसार, यादरम्यान हाणामारीचे प्रकरणही समोर आले आहे. त्याच वेळी, ग्रुपमधील एका महिलेने सांगितले की त्या लोकांना चित्रपट पाहण्यासाठी मदत करत आहेत. पण त्यांच्या गटाकडे कोणत्याही प्रकारचा बिल्ला किंवा चिन्ह नव्हते. म्हणून त्यांने गटाची ओळख म्हणून भगव्या स्कार्फचा वापर केला. यामागे दुसरा कोणताही हेतू नसल्याचेही महिलांनी सांगितले.