Vinay Kwatra new Foreign Secretary : विनय मोहन क्वात्रा भारताचे नवे परराष्ट्र सचिव, हर्षवर्धन श्रृंगला यांची जागा घेणार

By, Sachin Deshmukh - April 5, 2022 09:20:35

0

नेपाळमधील भारताचे राजदूत विनय मोहन क्वात्रा 1988 बॅचचे IFS अधिकारी यांची सोमवारी नवीन परराष्ट्र सचिव म्हणून नियुक्ती करण्यात आली. ते 30 एप्रिल रोजी परराष्ट्र सचिवपदाचा पदभार स्वीकारतील.Vinay Mohan Kwatra to replace Harshvardhan Shringala as India’s new Foreign Secretary

वृत्तसंस्था

नवी दिल्ली : नेपाळमधील भारताचे राजदूत विनय मोहन क्वात्रा 1988 बॅचचे IFS अधिकारी यांची सोमवारी नवीन परराष्ट्र सचिव म्हणून नियुक्ती करण्यात आली. ते 30 एप्रिल रोजी परराष्ट्र सचिवपदाचा पदभार स्वीकारतील.

विनय मोहन क्वात्रा हर्षवर्धन शृंगला यांची जागा घेतील कारण या महिन्याच्या अखेरीस श्रृंगला निवृत्त होत आहेत. मंत्रिमंडळाच्या नियुक्ती समितीने 30 एप्रिल 2022 रोजी श्रृंगला यांच्या निवृत्तीनंतर परराष्ट्र सचिव पदावर क्वात्रा यांची नियुक्ती करण्यास मान्यता दिली आहे, असे सरकारी आदेशात म्हटले आहे.

ऑपरेशन गंगा अंतर्गत 3 दिवसांत 26 विमाने पाठविणार, पंतप्रधान नरेंद्र मोदी यांचा निर्णय

The government of India appoints IFS Vinay Mohan Kwatra as the Foreign Secretary.

He is currently serving as India's envoy to Nepal. pic.twitter.com/xQ89PhNlnn

— ANI (@ANI) April 4, 2022

विनय मोहन क्वात्रा यांची 2020 मध्ये नेपाळमधील भारताचे राजदूत म्हणून नियुक्ती करण्यात आली होती. यापूर्वी, क्वात्रा ऑगस्ट 2017 ते फेब्रुवारी 2020 पर्यंत फ्रान्समध्ये भारताचे राजदूत होते. क्वात्रा यांनी वॉशिंग्टन आणि बीजिंगमधील भारताच्या राजनैतिक मिशनमध्ये विविध पदांवर काम केले आहे. 32 वर्षांच्या सेवेत त्यांनी पंतप्रधान कार्यालयात सहसचिव म्हणूनही काम केले आहे.

क्वात्रा यांना परदेश सेवेचा ३२ वर्षांचा अनुभव

क्वात्रा यांचा आतापर्यंत परदेश सेवेत 32 वर्षांहून अधिक कार्यकाळ आहे. त्यांनी फ्रान्सच्या राजदूतासह अनेक महत्त्वाच्या पदांवर काम केले आहे. वॉशिंग्टन डीसी, जीनिव्हा, बीजिंग, दक्षिण आफ्रिकेसह पंतप्रधान कार्यालयात त्यांनी संयुक्त सचिवपदाची जबाबदारीही सांभाळली आहे. त्याच वेळी क्वात्रा यांच्यावर आता रशिया, अमेरिका, चीन आणि इतर देशांशी भारताच्या संबंधांमध्ये समतोल राखून भारताचे राष्ट्रीय हित जोपासण्याची मोठी जबाबदारी असेल.

हर्षवर्धन श्रृंगला, 1984 बॅचचे IFS अधिकारी, यांनी त्यांच्या कार्यकाळात भारताचे शेजारी बांगलादेश, भूतान आणि इतर देशांसोबत चांगली भागीदारी केली. यासोबतच हिंद महासागर क्षेत्रापर्यंत पोहोचण्यातही महत्त्वाची भूमिका बजावली. श्रृंगला यांनी कोरोना महामारीनंतरही भारतीय परराष्ट्र धोरण पुढे नेले. त्याच वेळी, श्रृंगला आता परराष्ट्र मंत्रालयाच्या चाणक्यपुरी भवनातून पुढील वर्षी भारतात प्रथमच होणाऱ्या G-20 शिखर परिषदेच्या संपूर्ण तयारीची देखरेख करतील.