इंडिया गेट मध्ये नेताजींचा पुतळा : नेताजींच्या कन्या अनिता बोस पफ यांना आनंद!!

By, Pravin Pawar - January 21, 2022 08:26:45

0

वृत्तसंस्था

नवी दिल्ली : राजधानी दिल्लीत इंडिया गेट मध्ये नेताजी सुभाष चंद्र बोस यांचा ग्रॅनाईट मध्ये पुतळा घडवून उभारण्याचा निर्णय केंद्र सरकारने घेतला आहे. याविषयी नेताजी सुभाष चंद्र बोस यांच्या कन्या अनिता बोस पफ यांनी समाधान व्यक्त केले आहे.Very happy that Netaji’s statue would be put up in a prominent place in Delhi

नेताजी सुभाषचंद्र बोस यांचे देशाच्या स्वातंत्र्य लढ्यात अतुलनीय योगदान आहे. देशाच्या विकासासाठी त्यांची विशाल दृष्टी होती. देशातल्या कोट्यावधी युवकांनी सुभाष चंद्र बोस यांच्याकडून प्रेरणा घेऊन काम केले आहे. त्यांचा पुतळा देशाच्या राजधानीत अतिशय महत्त्वपूर्ण जागेवर उभा राहणे ही अतिशय आनंदाची गोष्ट आहे, अशा शब्दांत अनिता बोस पफ यांनी आपल्या भावना व्यक्त केल्या आहेत.

Very happy that Netaji's statue would be put up in a prominent place in Delhi. Gratifying that so many young people still know who he's & respect him. Great tribute to a man who suffered so much for well-being of his country: Anita Bose Pfaff,daughter of #NetajiSubhashChandraBose pic.twitter.com/bycTSgauT1

— ANI (@ANI) January 21, 2022

येत्या 23 जानेवारी रोजी नेताजी सुभाष चंद्र बोस यांची 125 वी जयंती आहे. या दिवशी पंतप्रधान नरेंद्र मोदी यांच्या हस्ते इंडिया गेट येथे नेताजींच्या होलोग्राम पुतळ्याचे अनावरण होणार आहे. त्याच ठिकाणी ग्रॅनाईटचा पुतळा पूर्ण झाल्यानंतर उभारण्यात येईल, असे ट्विट स्वतः मोदींनीच आज दुपारी केले होते. देशभरातून या विषयी आनंदाच्या प्रतिक्रिया आले असून त्यातच नेताजींच्या कन्या अनिता बोस यांनी देखील समाधान व्यक्त करणारी प्रतिक्रिया व्यक्त केली आहे.