प्रवाशांचं दैव बलवत्तर म्हणून थोडक्यात टळली धडक, इंडिगोच्या दोन विमानांचा हवेतच होणार होता अपघात, १० दिवसांनी झाला खुलासा|Two IndiGo planes were about to crash in mid-air, revealed after 10 days, DGCA Sets Inquiry

प्रवाशांचं दैव बलवत्तर म्हणून थोडक्यात टळली धडक, इंडिगोच्या दोन विमानांचा हवेतच होणार होता अपघात, १० दिवसांनी झाला खुलासा

नुकतीच बंगळुरू विमानतळाच्या आकाशात मोठी दुर्घटना टळली. ९ जानेवारीला सकाळी इंडिगो एअरलाइन्सने बंगळुरू विमानतळावरून उड्डाण केले आणि दोन्ही विमाने हवेत इतकी जवळ आली की धोकादायक परिस्थिती निर्माण झाली. पीटीआय या वृत्तसंस्थेने बुधवारी डीजीसीआयच्या वरिष्ठ अधिकाऱ्याच्या हवाल्याने ही माहिती दिली.Two IndiGo planes were about to crash in mid-air, revealed after 10 days, DGCA Sets Inquiry

वृत्तसंस्था

नवी दिल्ली : नुकतीच बंगळुरू विमानतळाच्या आकाशात मोठी दुर्घटना टळली. ९ जानेवारीला सकाळी इंडिगो एअरलाइन्सने बंगळुरू विमानतळावरून उड्डाण केले आणि दोन्ही विमाने हवेत इतकी जवळ आली की धोकादायक परिस्थिती निर्माण झाली. पीटीआय या वृत्तसंस्थेने बुधवारी डीजीसीआयच्या वरिष्ठ अधिकाऱ्याच्या हवाल्याने ही माहिती दिली.

कठोर कारवाई केली जाईल : डीजीसीए

अधिकाऱ्याने सांगितले की, या घटनेची माहिती कोणत्याही लॉगबुकमध्ये नोंदवण्यात आलेली नाही किंवा ती भारतीय विमानतळ प्राधिकरणाला (एआयआय) कळवण्यात आली नाही. डीजीसीएचे अध्यक्ष अरुण कुमार यांनी सांगितले की, नियामक या घटनेची चौकशी करत असून दोषींवर कठोर कारवाई केली जाईल.

राफेल विमानांचा वेगवान विक्रम, १२ तासांत कापले १७ हजार किलोमीटरचे अंतर

कोणत्या विमानांची होणार होती धडक?

इंडिगो आणि एएआयने याप्रकरणी अद्याप कोणतेही वक्तव्य केलेले नाही. DGCA अधिकाऱ्यांनी सांगितले की इंडिगोची दोन विमाने – 6E455 (बंगळुरू ते कोलकाता) आणि 6E246 (बंगळुरू ते भुवनेश्वर) – बेंगळुरू विमानतळावर ‘सेपरेशन उल्लंघन’ करण्यात गुंतलेली होती.

सेपरेशनचे उल्लंघन तेव्हा होते जेव्हा दोन विमाने हवाई क्षेत्रामध्ये किमान आवश्यक उंच किंवा क्षितिज अंतर ओलांडतात. अधिकाऱ्यांनी सांगितले की, या दोन्ही विमानांनी 9 जानेवारीच्या सकाळी सुमारे पाच मिनिटांत बंगळुरू विमानतळावरून उड्डाण केले होते.

एका अधिकाऱ्याने सांगितले की, “उडाल्यानंतर दोन्ही विमाने एकमेकांच्या दिशेने जात होती. ‘अ‍ॅप्रोच रडार कंट्रोलर’ने डायव्हर्जिंग हेडिंग सूचित केले, ज्यामुळे दोन विमानांमधील हवेतील टक्कर टळली, अन्यथा विमानांतील प्रवाशांवर मोठा अनर्थ ओढावला असता.