Goa Assembly Election 2022: तृणमूल काँग्रेसची गोवा फॉरवर्ड पक्षाशी युती, भाजपच्या माजी साथीदाराची आता ममता बॅनर्जींना साथ!

By, Vishal Joshi - October 30, 2021 03:30:24

0

पश्चिम बंगाल विधानसभा निवडणुकीतील विजयानंतर पश्चिम बंगालच्या मुख्यमंत्री आणि तृणमूलच्या सुप्रीमो ममता बॅनर्जी गोव्याच्या दौऱ्यावर आहेत. गोव्यात पुढील वर्षी होणाऱ्या विधानसभा निवडणुकीसाठी राजकीय पक्षांची तयारी जोरात सुरू आहे. सर्व पक्षांचे प्रमुख गोव्याच्या दौऱ्यावर आहेत. शनिवारी गोवा फॉरवर्ड पक्षाचे अध्यक्ष विजय सरदेसाई यांनी ममता बॅनर्जी यांची भेट घेतली. त्यानंतर गोव्यात टीएमसीच्या गोवा फॉरवर्ड पक्षासोबत युतीच्या चर्चांनी जोर धरला. Trinamool Congress alliance with Goa Forward Party, former partner of BJP meet Mamata Banerjee

वृत्तसंस्था

पणजी : पश्चिम बंगाल विधानसभा निवडणुकीतील विजयानंतर पश्चिम बंगालच्या मुख्यमंत्री आणि तृणमूलच्या सुप्रीमो ममता बॅनर्जी गोव्याच्या दौऱ्यावर आहेत. गोव्यात पुढील वर्षी होणाऱ्या विधानसभा निवडणुकीसाठी राजकीय पक्षांची तयारी जोरात सुरू आहे. सर्व पक्षांचे प्रमुख गोव्याच्या दौऱ्यावर आहेत. शनिवारी गोवा फॉरवर्ड पक्षाचे अध्यक्ष विजय सरदेसाई यांनी ममता बॅनर्जी यांची भेट घेतली. त्यानंतर गोव्यात टीएमसीच्या गोवा फॉरवर्ड पक्षासोबत युतीच्या चर्चांनी जोर धरला.

बैठकीनंतर मुख्यमंत्री ममता बॅनर्जी यांनी भाजप सरकार आणि काँग्रेसवर जोरदार निशाणा साधला. पंतप्रधान मोदींचे नाव न घेता ममता बॅनर्जी म्हणाल्या की, ज्यांनी अच्छे दिन आणायचे म्हटले ते देशाला बरबाद करण्याचा प्रयत्न करत आहेत. यासोबतच ममता बॅनर्जी यांनीही काँग्रेसवर हल्लाबोल करत म्हटले की, काँग्रेसमुळेच पंतप्रधान मोदी इतके ताकदवान झाले आहेत. ममता बॅनर्जी यांनीही प्रादेशिक पक्षांशी युती करण्याचे संकेत दिले आहेत.

पश्चिम बंगाल विधानसभा निवडणुकीत ओवैसींची एंट्री, ममतांवर मुस्लिमांचे शोषण करत असल्याचा आरोप

Mamata Banerjee is a symbol of regional pride, we're also a regional party. We welcome her recent statement that like-minded parties should come together to fight against BJP. I met with her today and we'll discuss that in our party: Goa Forward Party President, Vijai Sardesai pic.twitter.com/rjkFMw5qMj

— ANI (@ANI) October 30, 2021

त्याचवेळी गोवा फॉरवर्ड पक्षाचे अध्यक्ष विजय सरदेसाई यांनी आज ममता बॅनर्जी यांची भेट घेतल्याचे सांगितले. ममता बॅनर्जी प्रादेशिक अभिमानाचे प्रतीक आहेत, आम्हीही प्रादेशिक पक्ष आहोत. भाजपच्या विरोधात समविचारी पक्षांनी एकत्र यावे या त्यांच्या नुकत्याच झालेल्या विधानाचे आम्ही स्वागत करतो. मिळालेल्या माहितीनुसार, फॉरवर्ड पार्टी तृणमूल काँग्रेससोबत युती करण्याच्या तयारीत आहे. गोव्याची राजधानी पणजीत शुक्रवारी पोहोचलेल्या ममता बॅनर्जी यांनी आपल्या कार्यकर्त्यांची भेट घेऊन निवडणुकीच्या रणनीतीवर सविस्तर चर्चा केली.

फॉरवर्ड पक्षाने या वर्षीची सोडली भाजपची साथ

सरदेसाई यांनी शुक्रवारी सांगितले की, त्यांचा पक्ष राज्यात मजबूत स्थितीत आहे आणि तृणमूल काँग्रेससोबत युती करण्यास तयार आहे. या वर्षी एप्रिलमध्ये गोवा फॉरवर्ड पक्षाचे प्रमुख विजय सरदेसाई यांनी भाजपसोबतची युती संपवली. सरदेसाई म्हणाले, ही भ्रष्ट आणि जातीयवादी राजवट संपवण्यासाठी विरोधकांची एकजूट महत्त्वाची आहे. सीएम ममता बॅनर्जी यांनीही पत्रकार परिषदेत गोवा फॉरवर्ड पार्टीसोबत बोलणी झाल्याचे मान्य केले. प्रादेशिक पक्षांशी तडजोड करण्यात हा पक्ष पक्षपाती आहे.