तालिबानने भारताला पत्र लिहिले – काबूलला व्यावसायिक उड्डाणे पुन्हा सुरू करण्याची केली विनंती

By, Ayesha Tamboli - September 29, 2021 03:46:56

0

अफगाणिस्तानातील तालिबानच्या इस्लामिक अमिरातने डीजीसीएला (डायरेक्टरेट जनरल ऑफ सिव्हिल एव्हिएशन) काबूलला व्यावसायिक उड्डाणे पुन्हा सुरू करण्यासाठी पत्र लिहिले आहे.The Taliban wrote a letter to India requesting it to resume commercial flights to Kabul

वृत्तसंस्था

काबूल : तालिबानने अफगाणिस्तान ताब्यात घेतल्यापासून जवळपास दीड महिना उलटला आहे.तेथे आतापर्यंत काबूल विमानतळावर व्यावसायिक उड्डाणाचे ऑपरेशन पूर्णपणे सुरू झालेले नाही. दरम्यान, तालिबानच्या वतीने भारत सरकारला एक पत्र लिहिले गेले आहे.

एएनआय या वृत्तसंस्थेच्या म्हणण्यानुसार, अफगाणिस्तानातील तालिबानच्या इस्लामिक अमिरातने डीजीसीएला (डायरेक्टरेट जनरल ऑफ सिव्हिल एव्हिएशन) काबूलला व्यावसायिक उड्डाणे पुन्हा सुरू करण्यासाठी पत्र लिहिले आहे.नागरी उड्डयन मंत्रालय (एमओसीए) सध्या तालिबानच्या या पत्राचा आढावा घेत आहे.

हे पत्र 7 सप्टेंबर रोजी अफगाणिस्तान नागरी उड्डयन प्राधिकरणाचे कार्यवाहक मंत्री हमीदुल्ला अखुंजादा यांनी भारताच्या नागरी उड्डयन महासंचालक (डीजीसीए) अरुण कुमार यांना लिहिले होते.नागरी उड्डयन मंत्रालय त्या पत्रावर विचार करत आहे.

अफगाणिस्तानात तालिबानचा भर रस्त्यात उच्छाद, गोळीबाराच्या भितीने नागरिक धास्तावले

अखुंजादा यांनी डीजीसीएला लिहिले, “तुम्हाला माहिती आहे की काबूल विमानतळाचे नुकसान अमेरिकन सैन्याने केले आणि बंद केले. परंतु आमचा मित्र कतारच्या तांत्रिक सहाय्याने हे विमानतळ पुन्हा एकदा कार्यान्वित करण्यात आले आहे. 6 नोव्हेंबर 2021 रोजी या संदर्भात नोटम (एअरमनना नोटीस) जारी करण्यात आली. ”

भारताने तालिबानला मान्यता दिलेली नाही

तालिबानच्या अंतरिम सरकारला भारताने अद्याप मान्यता दिलेली नाही.मात्र, दोहामध्ये कतारमधील भारताचे राजदूत दीपक मित्तल आणि तालिबान नेते शेर मोहम्मद अब्बास स्टँकझाई यांची भेट झाली आहे.अमेरिकन सैन्याच्या माघारीनंतर तालिबानने 30 ऑगस्ट रोजी अफगाणिस्तानचा ताबा घेतला.नागरिकांना बाहेर काढण्यासाठी भारताकडून काबूलला शेवटचे विमान 21 ऑगस्ट रोजी होते. एअर इंडियाच्या विमानाने प्रथम दुशान्बे आणि नंतर नवी दिल्लीला उड्डाण केले.पाकिस्तानने प्रथम आपले विमान उतरवले

तत्पूर्वी, तालिबानने अफगाणिस्तानवर ताबा मिळवल्यानंतर सुमारे एक महिन्यानंतर पहिल्यांदाच आंतरराष्ट्रीय व्यावसायिक उड्डाण काबूल विमानतळावर उतरले. मुठभर प्रवाशांना घेऊन जाणारे पाकिस्तान इंटरनॅशनल एअरलाइन्सचे विमान काबूलच्या हमीद करझई आंतरराष्ट्रीय विमानतळावर उतरले. १५ ऑगस्ट रोजी तालिबानने अफगाणिस्तान ताब्यात घेतल्यानंतरच आंतरराष्ट्रीय उड्डाणे बंद करण्यात आली.