गुजरातचे माजी मुख्यमंत्री विजय रुपाणी यांच्या भेटवस्तूंच्या लिलावातून ६ लाख रुपयांची रक्कम गोळा|Raise Rs 6 lakh from former Gujarat Chief Minister Vijay Rupani's gift auction

गुजरातचे माजी मुख्यमंत्री विजय रुपाणी यांच्या भेटवस्तूंच्या लिलावातून ६ लाख रुपयांची रक्कम गोळा

विशेष प्रतिनिधी

अहमदाबाद : गुजरातचे माजी मुख्यमंत्री विजय रूपाणी यांना मिळालेल्या भेटवस्तूंच्या लिलावातून सहा लाख रुपयांची रक्कम गोळा झाली आहे. एकूण ६३३ वस्तू सुमारे सहा लाख रुपयांना विकल्या गेल्या. ही रक्कम कन्या केळवणी निधीसाठी दिली जाणार आहे.Raise Rs 6 lakh from former Gujarat Chief Minister Vijay Rupani’s gift auction

१३ आणि १४ सप्टेंबरला सुरत येथील सायन्स सेंटर हॉलमध्ये झालेल्या लिलावात फोटो फ्रेम, पगडी, तलवारी, फिरकी चाके, रुपाणी यांची ३० छायाचित्रे, महात्मा गांधींचे तीन फोटो, स्टॅच्यू ऑफ युनिटीचे 11 मॉडेल आणि पंतप्रधान नरेंद्र मोदींची छायाचित्रे यांचा लिलाव झाला.

लोकांचे प्रेम आहे तोपर्यंत माझी हकालपट्टी होणार नाही, गुजरातचे उपमुख्यमंत्री नितीन पटेल यांचा विश्वास

या कार्यक्रमाला चांगला प्रतिसाद मिळाला. सर्व वस्तू दोन दिवसात विकल्या गेल्या. यामध्ये राजकारण्यांसह वकील, विद्यार्थी, रिअल इस्टेट डेव्हलपर्स आणि व्यापारी सहभागी झाल्या होत्या. सोने आणि चांदीच्या वस्तू वगळता इतर वस्तूंच्या किमती २५ रुपयांपासून चार हजार रुपयांपर्यंत होत्या.

हा लिलाव उपजिल्हाधिकारी दर्जाच्या अधिकाºयांच्या देखरेखीखाली करण्यात आला.कतारगामचे उपजिल्हधिकारी पार्थ गोस्वामी म्हणाले, लिलावात ठेवलेल्या सर्व वस्तू विकल्या गेल्या. जमा झालेल्या सहा लाख रुपयांची रक्कम कन्या केळवणी निधीसाठी दिली जाणार आहे.