काॅंग्रेस,समाजवादी पक्षाला लोकांनी नाकारले; यूपीमध्ये भाजप 260 जागांवर आघाडीवर

By, Vishal Joshi - March 10, 2022 01:00:34

0

विशेष प्रतिनिधी

नवी दिल्ली : पाच राज्यात विधानसभेच्या निवडणुकीसाठी मतमोजणी सुरू आहे. चार राज्यात भाजप आघाडीवर, पंजाब मध्ये आम आदमी पक्षाला स्पष्ट बहुमत असे ताजे चित्र आहे. काॅंग्रेस,समाजवादी पक्षाने जोरदार प्रयत्न करूनही यश मिळाले नाही. यूपीमध्ये भाजप, उत्तराखंडमध्ये याच पक्षाची आघाडी, गोव्यात भाजप 18 जागांवर आघाडीवर, मणिपूरमध्ये भाजप 28 जागांवर पुढे असे ताजे चित्र आहे. People rejected Congress and Samajwadi Party BJP leads in UP with 260 seats

260 जागांवर आघाडीवर आहे, तर सपाला 120 जागांवर आघाडी मिळाली आहे. करहलमधून सपा उमेदवार अखिलेश यादव हजार मतांनी आघाडीवर आहेत. त्याचवेळी सीएम योगी यांनी गोरखपूर शहरातूनही चांगली आघाडी घेतली आहे. उपमुख्यमंत्री केशव प्रसाद मौर्य पिछाडीवर आहेत.

23 दिवसांनंतर आज उत्तराखंडमधील सर्व 70 विधानसभा जागांचे निवडणूक निकाल जाहीर होणार आहेत. त्यामुळे यावेळी सत्तेची धुरा कोणत्या पक्षाच्या हाती येणार हेही स्पष्ट होणार आहे. सुरुवातीच्या ट्रेंडमध्ये भाजपने 20 जागांची आघाडी कायम ठेवली आहे.

एक एकरची पैज विजय सिंह जिंकणार, उत्तर प्रदेशात भाजपची पुन्हा मुसंडी; १०० जागांवर घेतली आघाडी

पंजाबमधील सर्व जागांचे कल संपले आहेत. यामध्ये आम आदमी पक्षाला स्पष्ट बहुमत मिळाले आहे. दुसरीकडे, मुख्यमंत्री चरणजीत चन्नी, कॅप्टन अमरिंदर सिंग आणि नवज्योत सिद्धू यांच्यासह अनेक दिग्गज आपापल्या जागेवरून पिछाडीवर आहेत.

आप पंजाबचे सह-प्रभारी राघव चढ्ढा म्हणाले की, पंजाब ‘उडता पंजाब’ म्हणून ओळखले जाणार नाही, तर ‘उभरता पंजाब’ म्हणून ओळखले जाईल. याचे सर्व श्रेय ‘आप’च्या कार्यकर्त्यांना जाते, त्यांनी दिवस-रात्र, उन्हाळा किंवा हिवाळा पाहिला नाही आणि पक्षासाठी काम करत राहिले. तुमच्या सर्वांसाठी उत्तरोत्तर कार्य करेल. गोव्यात भाजप 18 जागांवर आघाडीवर आहे. काँग्रेसचे उमेदवार 11 जागांवर आघाडीवर आहेत. याशिवाय इतर पक्ष 11 जागांवर आघाडीवर आहेत.

मणिपूरमध्ये भाजप 28 जागांवर पुढे

मणिपूरमध्ये भारतीय जनता पक्षाला बहुमत मिळताना दिसत आहे. 28 जागांवर भाजपचे उमेदवार आघाडीवर आहेत. दुसरीकडे काँग्रेसने केवळ आठ जागांवर आघाडी कायम ठेवली आहे.