Pakistan Blasphemy : पाकिस्तानमधील सॅमसंग कंपनीवर ईशनिंदेचा आरोप; प्रचंड गोंधळ, 27 कर्मचारी ताब्यात|Pakistan Blasphemy Defamation charges against Samsung in Pakistan Massive chaos, 27 employees detained

Pakistan Blasphemy : पाकिस्तानमधील सॅमसंग कंपनीवर ईशनिंदेचा आरोप; प्रचंड गोंधळ, 27 कर्मचारी ताब्यात

स्टार सिटी मॉलमध्ये सॅमसंग कंपनीच्या कर्मचार्‍यांवर ईशनिंदेचा आरोप झाल्यानंतर पाकिस्तानमधील कराचीमध्ये तोडफोड झाली. याप्रकरणी पोलिसांनी कंपनीच्या 27 कर्मचाऱ्यांना ताब्यात घेतले. कराचीच्या स्टार सिटी मॉलमध्ये बसवण्यात आलेले वायफाय डिव्हाइस ईशनिंदेला कारणीभूत ठरल्याचा आरोप आहे.Pakistan Blasphemy Defamation charges against Samsung in Pakistan Massive chaos, 27 employees detained

डॉन वृत्तपत्रात प्रसिद्ध झालेल्या बातमीनुसार कराची पोलिसांनी या प्रकरणाचे गांभीर्य समजून सर्व वाय-फाय बंद केले आहेत. यासोबतच पोलिसांनी ज्या उपकरणातून ईश्‍वरनिंदा केली होती तेही जप्त केले आहे. सॅमसंग कंपनीने या प्रकरणावर माफी मागितली असून कंपनीने धार्मिक बाबींवर तटस्थता ठेवल्याचे म्हटले आहे.

पाकिस्तान गिलगिट-बाल्टिस्तान चीनला सोपवण्याची शक्यता, कर्जातून मुक्त होण्यासाठीचा पर्याय, भारत-अमेरिकेशी तणाव वाढणार

QR कोड आणि निंदा

संतप्त जमाव मोबाईल कंपनीच्या बिलबोर्डवरील QR कोडवर आक्षेप घेत होता, जो त्यांना निंदा करणारा आणि अल्लाहचा अपमान करणारा वाटला. या क्यूआर कोडमुळे संतप्त झालेल्या जमावाने जाळपोळ केल्यानंतर घोषणाबाजी केली. या प्रकरणाबाबत सोशल मीडियावरही संताप व्यक्त केला जात आहे.

The police on Friday detained at least 27 employees of a mobile phone company following a violent protest outside Star City Mall in Karachi over alleged blasphemy.

For more: https://t.co/FxzBHn60Vm #etribune #news #Samsung pic.twitter.com/KDElaK2AQN

— The Express Tribune (@etribune) July 1, 2022

सायबर गुन्हे शाखेचा तपास

एका पोलीस अधिकाऱ्याने सांगितले की, या उपकरणांच्या स्थापनेसाठी कोण जबाबदार आहे, हे शोधण्यासाठी ते संपूर्ण प्रकरणात फेडरल तपास संस्थेच्या सायबर गुन्हे शाखेसोबत काम करत आहेत. याप्रकरणी कर्मचाऱ्यांना ताब्यात घेऊन चौकशी करण्यात येत आहे.

ईशनिंदाबाबत पाकिस्तानात कडक कायदे

पाकिस्तानमध्ये ईशनिंदा हा अत्यंत संवेदनशील मुद्दा मानला जातो आणि ते आरोपी कट्टरपंथी गटांसाठी सोपे लक्ष्य असतात. ईशनिंदाबाबतही कडक कायदे आहेत. गतवर्षी श्रीलंकेतील एका कामगाराला कारखान्यातील एका कामगाराने ईशनिंदा केल्याच्या आरोपावरून बेदम मारहाण केली होती.