Modi Cabinet Expansion : मोदी मंत्रिमंडळाचा आज विस्तार झाला. या विस्ताराआधी अनेक मंत्र्यांचे राजीनामे घेण्यात आले. डॉ. हर्षवर्धन, बाबुल सुप्रियो, रमेश पोखरियाल निशंक, रावसाहेब दानवे पाटील, सदानंद गौडा, देवोश्री चौधरी, संतोष गंगवार, संजय धोत्रे, रतन लाल कटारिया आणि प्रताप सारंगी यांचे राजीनामे आले आहेत. शपथविधीच्या काही मिनिटांपूर्वी आयटी मंत्री रविशंकर प्रसाद आणि पर्यावरण मंत्री प्रकाश जावडेकर यांचाही राजीनामा आला आहे. Modi Cabinet Read details List 13 Leaders Resigns Before Modi Cabinet Expansion
विशेष प्रतिनिधी
नवी दिल्ली : मोदी मंत्रिमंडळाचा आज विस्तार झाला. या विस्ताराआधी अनेक मंत्र्यांचे राजीनामे घेण्यात आले. डॉ. हर्षवर्धन, बाबुल सुप्रियो, रमेश पोखरियाल निशंक, रावसाहेब दानवे पाटील, सदानंद गौडा, देवोश्री चौधरी, संतोष गंगवार, संजय धोत्रे, रतन लाल कटारिया आणि प्रताप सारंगी यांचे राजीनामे आले आहेत. शपथविधीच्या काही मिनिटांपूर्वी आयटी मंत्री रविशंकर प्रसाद आणि पर्यावरण मंत्री प्रकाश जावडेकर यांचाही राजीनामा आला आहे.
या मंत्र्यांच्या राजीनाम्यामागे काय कारणे आहेत, यावरून विविध तर्कवितर्क लढवले जात आहेत.
थावरचंद गेहलोत थावरचंद गहलोत हे सामाजिक न्याय मंत्री होते. याव्यतिरिक्त थावरचंद गहलोत यांनी राज्यसभेतील सभागृह नेते आणि भाजप संसदीय मंडळाचे सदस्य म्हणूनही काम पाहिले. त्यांची कर्नाटकचे राज्यपाल म्हणून नियुक्ती झाली आहे.
डॉ. हर्षवर्धन केंद्रीय आरोग्यमंत्री डॉ. हर्षवर्धन यांनी राजीनामा दिला आहे. कोरोनाच्या दुसर्‍या लाटेसंदर्भात मोदी सरकारवर ज्या पद्धतीने प्रश्न उपस्थित झाले, त्याचा फटका आता डॉ. हर्षवर्धन यांना सहन करावा लागला आहे. हर्षवर्धन यांनी विज्ञान आणि तंत्रज्ञान मंत्रालयाची जबाबदारीही सांभाळली. हर्ष वर्धन यांच्या राजीनाम्यामुळे दोन मंत्रालये रिक्त झाली आहेत.
बाबुल सुप्रियो पश्चिम बंगालमधील आसनसोलचे खासदार बाबुल सुप्रियो यांनी राजीनामा दिला आहे. ते पर्यावरण मंत्रालयात राज्यमंत्री होते. असे सांगितले जाते की बाबुल सुप्रियोंवर पक्षात नाराजी आहे. पश्चिम बंगाल विधानसभेतही बाबुल सुप्रियो यांनी निवडणूक लढविली होती, परंतु 50 हजार मतांनी त्यांचा पराभव झाला होता.
रावसाहेब दानवे पाटील महाराष्ट्रातील जालना लोकसभा मतदारसंघातील खासदार रावसाहेब दानवे पाटील यांनीही राजीनामा दिला आहे. ते ग्राहक व्यवहार, अन्न व सार्वजनिक वितरण मंत्रालयात राज्यमंत्री होते.
देबोश्री चौधरी पश्चिम बंगालमधील रायगंज लोकसभा मतदारसंघातील भाजप खासदार देवोश्री चौधरी यांना राजीनामा देण्यास सांगण्यात आले आहे. त्या महिला व बालविकास राज्यमंत्री आहेत. पश्चिम बंगाल भाजपमध्ये त्यांना महत्त्वाचे पद दिले जाऊ शकते, असे सांगितले जात आहे.
रमेश पोखरियल निशंक उत्तराखंडचे हरिद्वारचे खासदार रमेश पोखरियाल निशंक यांनीही राजीनामा दिला आहे. ते मानव संसाधन विकास मंत्री होते. नुकताच त्यांना कोरोना झाला होता. त्यांना एका महिन्यासाठी दाखल करण्यात आले होते. ते प्रकृती अबाधित असल्याचे सांगून राजीनामा देत आहेत.
सदानंद गौडा कर्नाटकच्या उत्तर बंगळुरूचे भाजप खासदार सदानंद गौडा यांना राजीनामा देण्यास सांगण्यात आले आहे. ते रसायन व खते मंत्री होते. कोरोना कालावधीत औषधांच्या तुटवड्यामुळे मोदी सरकारला होणार्‍या गैरसोयीसाठी सदानंद गौडा यांना जबाबदार धरले जात असल्याचे सांगितले जात आहे.
संतोष गंगवार उत्तर प्रदेशमधील बरेलीचे खासदार संतोष गंगवार यांनाही राजीनामा देण्यास सांगितले आहे. ते कामगार व रोजगार मंत्री (स्वतंत्र प्रभार) होते. त्यांच्या जागी लखीमपूर खेरीचे खासदार अजय मिश्रा यांना मंत्री केले जात आहेत.
संजय धोत्रे महाराष्ट्रातील अकोला लोकसभा मतदारसंघाचे खासदार संजय धोत्रे यांनाही राजीनामा देण्यास सांगण्यात आले आहे. ते शिक्षण राज्यमंत्री तसेच माहिती व तंत्रज्ञान मंत्रालय होते.
रतनलाल कटारिया हरियाणाच्या अंबालाचे खासदार रतनलाल कटारिया यांनाही राजीनामा देण्यास सांगण्यात आले आहे. ते जलशक्ती मंत्रालयात राज्यमंत्री होते. त्यांच्या जागी सिरसाच्या खासदार सुनीता दुग्गल यांना मंत्री केले जात आहे.
प्रताप सारंगी ओडिशाच्या बालासोरचे खासदार प्रताप सारंगी यांनाही राजीनामा देण्यास सांगितले आहे. ते सूक्ष्म, लघु व मध्यम उद्योगांसह पशुसंवर्धन, दुग्ध व्यवसाय व मत्स्यव्यवसाय मंत्रालयाचे राज्यमंत्री होते.
Modi Cabinet Read details List 13 Leaders Resigns Before Modi Cabinet Expansion
महत्त्वाच्या बातम्या
To be published, comments must be reviewed by the administrator.*
Our website uses cookies to improve your experience. Learn more