एलआयसीने शेअर बाजारातून तीन महिन्यात कमाविला विक्रमी दहा हजार कोटी रुपयांचा नफा

By, Sachin Deshmukh - July 17, 2021 10:30:58

0

विशेष प्रतिनिधी

नवी दिल्ली : देशातील सर्वात मोठी विमा कंपनी असलेल्या एलआयसीने केवळ तीन महिन्यात विक्रमी दहा हजार कोटी रुपये नफा कमाविला आहे. शेअर बाजारात आलेल्या तेजीमुळे हे शक्य झाले आहे. कोरोना लाटेच्या पहिल्या टप्यात शेअर बाजार कोसळला त्यावेळी सामान्यांचा पैसा सरकारने घालविला अशी टीका झाली होती. मात्र, त्यानंतर मोदी सरकारच्या धोरणामुळे शेअर बाजारात तेजीचे वातावरण सुरू झाले. त्याचा फायदा एलआयसीला झाला आहे.LIC earned a record profit of Rs 10,000 crore in three months from share market

लाइफ इन्शुरन्स कॉपोर्रेशन ऑफ इंडिया (एलआयसी) ही देशातील सर्वात मोठी विमा कंपनी आहे. त्याचबरोबर एलआयसी ही भारतीय बाजारपेठेतील सर्वात मोठी देशांतर्गत गुंतवणूकदार आहे. चालू वित्तीय वर्षात एलआयसीने ९० हजार कोटी रुपयांचे शेअर्स खरेदी केले होते. त्यामुळे एलआयसीने एकूण शेअरमध्ये केलेली गुंतवणूक आठ लाख कोटी रुपयांवर पोहोचली.

Alert For LIC Customers : एलआयसीने कामाच्या दिवसांत केला मोठा बदल, 10 मेपासून लागू हे नियम

एलआयसीकडून देशी गुंतवणूकदार असल्याने शेअरमधून नफा कमाविण्यात फायदा आहे. गुंतवणुकीचा अंदाज घेऊन एलआयसीने काही वर्षांपूर्वी खरेदी केलेल्या शेअर्सची किंमत मोठ्या प्रमाणावर वाढली आहे. गेल्या तीन महिन्यात त्यावरील नफा वाढला आहे.

एलआयसीच्या एका अधिकाºयाने दिलेल्या माहितीनुसार, कोरोना महामारीच्या काळात पहिल्या तिमाहीत एलआयसीने २० हजार कोटी रुपयांचे शेअर्स विकले. त्यातून दहा हजार कोटी रुपये फायदा झाला.
एलआयसीने कोरोना लॉकडाऊन दरम्यान 97400 कोटी रुपये कमावले आहेत.

हा फायदा शेअर बाजाराला मिळाला आहे. जूनच्या तिमाहीत एलआयसीच्या इक्विटी पोर्टफोलिओचे मूल्य 23 टक्क्यांनी वाढले. एलआयसी सामान्य गुंतवणूकदारांचे पैसे शेअर बाजारात गुंतवते आणि मोठा परतावा मिळवून गुंतवणूकदारांनाही फायदा पोहोचवते. आर्थिक वर्ष 2015-16 मध्ये एलआयसीने 11 हजार कोटी रुपयांचा नफा कमावला होता. यानंतर, आपल्या गुंतवणूकदारांना 40 टक्के अधिक लाभांश आणि बोनस दिला.

31 मार्च 2020 पर्यंत कंपन्यांच्या पोर्टफोलिओमधील बाजार मूल्य 4.30 लाख कोटी होते. 30 जून 2020 रोजी ते वाढून 5.27 लाख कोटी रुपयांवर गेले. या संदर्भात 23 टक्के वाढ साध्य केली गेली आहे. जूनच्या तिमाहीत एलआयसीने 97,400 कोटी रुपये कमावले आणि त्यापैकी फक्त 22,360 कोटी रुपयांचा वाटा रिलायन्स इंडस्ट्रीजकडून आला.

जूनच्या तिमाहीत आरआयएलचा शेअर 1,102 रुपयांवरून 1,703 रुपये झाला. मार्चमध्ये 23 टक्क्यांपर्यंत डायव्हिंग केल्यावर बीएसई सेन्सेक्सने मागील तिमाहीत 18 टक्क्यांची वाढ दर्शविली आहे. जागतिक संकेतकांची संख्या, परकीय गुंतवणूकदारांच्या खरेदीतील नरमपणा आणि आर्थिक धोरणामुळे बाजारात चांगली परिस्थती आहे.