देशामध्ये स्वस्तात इलेक्ट्रीक वाहन चार्जर उपलब्ध करण्याचा सरकारचा मनसूबा; केंद्र सरकारच्या वैज्ञानिक सल्लागार कार्यालयाची माहिती India will soon benefit from innovative low-cost Electric Vehicle (EV) charge point that can accelerate adoption of EVs.

Positive news : देशामध्ये स्वस्तात इलेक्ट्रीक वाहन चार्जर उपलब्ध करण्याचा सरकारचा मनसूबा; केंद्र सरकारच्या वैज्ञानिक सल्लागार कार्यालयाची माहिती

वृत्तसंस्था

नवी दिल्ली – केंद्र सरकार एकीकडे कोरोना फैलावाच्या प्रतिबंधासाठी युध्दपातळीवर प्रयत्न करीत असताना इंधन दरवाढीवर तसेच पर्यायी इंधनावर देखील लक्ष ठेवून असल्याचे स्पष्ट होत आहे. देशात कमी किमतीत इलेक्ट्रीक वाहन चार्जर उपलब्ध करवून देण्याचा सरकारचा मनसूबा आहे. केंद्र सरकारच्या वैज्ञानिक सल्लागार कार्यालयाने ट्विटरद्वारे याची माहिती दिली आहे. India will soon benefit from innovative low-cost Electric Vehicle (EV) charge point that can accelerate adoption of EVs.

देशाची पेट्रोलसारख्या महागड्या इंधनाची आयात कमी व्हावी यासाठी इलेक्ट्रीक वाहन निर्मितीला केंद्र सरकार प्रोत्साहन देत आहे. त्याच बरोबर इलेक्ट्रीक वाहनांचे उत्पादन वाढून ही वाहने रस्त्यावर आली तर त्यांच्या चार्जिंगचा नियमित प्रश्न तयार होणार आहे, हे लक्षात घेऊन स्वस्तातले चार्जिंग पॉइंट्स तयार करण्याच्या दृष्टीने उत्पादकांना सरकार प्रोत्साहन योजना आणत आहे.

छोट्या चार्जिंग पॉइंट्सच्या किमती ३५०० रूपयांपासून सुरू करण्याचे प्रयत्न करण्यात येत आहेत. तसेच त्यांच्या आकार, टिकावूपणा यावर देखील विविध उत्पादकांचे प्रयोग सुरू आहेत. येत्या दोन महिन्यांमध्ये काही कंपन्यांची सँम्पल प्रॉडक्टही परीक्षणासाठी आणि प्रायोगिक वापरासाठी तयार असतील, अशी माहिती वैज्ञानिक सल्लागार कार्यालयाने दिली आहे.

Several Indian manufacturers are on board to make this device, with target prices starting at Rs 3,500. Formal release of standards will be done in next 2 months after completion of field & durability trials of sample products: Office of Principal Scientific Advisor (PSA) to GoI pic.twitter.com/PDL5cnoFvj

— ANI (@ANI) May 12, 2021

इ – स्कूटर्स आणि इ – ऑटोरिक्षांना हे चार्जिंग पॉइंट्स आपल्याबरोबरच वागविण्यात येण्याइतपत यूजर फ्रेंडली करण्याकडे कंपन्यांचा कल आहे. याच्या किमती परवडण्यासारख्या ठेवण्याचे प्रयत्न आहेत. तसेच त्यांची कपॅसिटी ३ किलोवॅट इलेक्ट्रीक चार्जिंगपर्यंतही ठेवण्याचे प्रयत्न आहेत, अशीही माहिती देण्यात आली आहे.