वृत्तसंस्था
मनिला : फिलिपाइन्स सध्या सर्वात भीषण वादळाचा सामना करत आहे. राय नावाच्या वादळामुळे येथे आतापर्यंत २०८ जणांचा मृत्यू झाला असून सुमारे ४ लाख लोकांना याचा फटका बसला आहे. राय या भयंकर वादळाने गुरुवारी आणि शुक्रवारी फिलिपाइन्सला वेढले. यानंतर रविवारपासून तेथे मदत आणि बचाव कार्य सुरू आहे.
मिळालेल्या माहितीनुसार, बोहोल बेट प्रांतात परिस्थिती सर्वात वाईट आहे. तेथे 72 हून अधिक लोकांचा मृत्यू झाला आहे. असे अनेक लोक आहेत जे अजूनही बेपत्ता आहेत. सध्या अधिकारी मृतांची संपूर्ण माहिती गोळा करण्यात व्यग्र आहेत. भूस्खलन आणि व्यापक पुरामुळे मृत्यूमुखी पडलेल्या लोकांची नेमकी आकडेवारी गोळा केली जात आहे. वादळामुळे अनेक ठिकाणी वीज, पाणीपुरवठा खंडित झाला असून त्यामुळे नागरिकांमध्ये नाराजी आहे.
राय हे 5व्या श्रेणीचे वादळ मानले गेले आहे, जे खूपच भयानक आहे. बोहोल प्रांताबरोबरच सेबू, लेयते, सुरीगाव डेल नॉर्टे प्रांतांवरही याचा परिणाम झाला आहे. त्याच वेळी लोकप्रिय सर्फिंग ठिकाणे सिरगाव आणि दिनाघाट बेटांवरदेखील याचा परिणाम झाला आहे.
राय वादळ रविवारी फिलिपाइन्समधून दक्षिण चीन समुद्राकडे वळले आहे. पण त्यामागे उन्मळून पडलेली झाडे, गच्चीची छत, तुटलेली घरे, पायाभूत सुविधा उद्ध्वस्त झाल्या आहेत. अनेक शहरे अजूनही पाण्याने भरलेली आहेत.
दरम्यान, फिलिपाइन्सला दरवर्षी सुमारे 20 तीव्र वादळांचा सामना करावा लागतो. हा द्वीपसमूह अशा ठिकाणी स्थित आहे ज्यामुळे तो अशा देशांपैकी एक बनतो जिथे नैसर्गिक आपत्ती अधिक वेळा येतात.
To be published, comments must be reviewed by the administrator.*
Our website uses cookies to improve your experience. Learn more