केंद्र सरकारचा मोठा निर्णय : हेल्थ केअर कामगारांना दिलासा, विमा योजना ६ महिन्यांसाठी वाढवली। Government relief to helpline workers during Corona period, extended insurance scheme for 6 months

केंद्र सरकारचा मोठा निर्णय : हेल्थ केअर कामगारांना दिलासा, विमा योजना ६ महिन्यांसाठी वाढवली

आरोग्य सेवा क्षेत्रातील ताण कमी करण्यासाठी नागरी सामाजिक स्वयंसेवकांचा कसा उपयोग करता येईल, याचा शोध घेण्यासही नरेंद्र मोदींनी अधिकाऱ्यांना सांगितले.

विशेष प्रतिनिधी

नवी दिल्ली : कोविड 19 या भयंकर महामारीमध्ये विशेषत: आघाडीच्या आरोग्य कर्मचाऱ्यांसाठी सुरू करण्यात आलेली विमा योजना सहा महिन्यांसाठी वाढविण्यात आली आहे .पंतप्रधान नरेंद्र मोदी यांनी व्हिडिओ कॉन्फरन्सिंगद्वारे विविध समूह गटांच्या कामकाजाचा आढावा घेण्यासाठी बैठक घेतली. एका निवेदनात म्हटले की, आरोग्य सेवा क्षेत्रातील ताण कमी करण्यासाठी नागरी सामाजिक स्वयंसेवकांचा कसा उपयोग करता येईल, याचा शोध घेण्यासही मोदींनी अधिकाऱ्यांना सांगितले. Government relief to helpline workers during Corona period, extended insurance scheme for 6 months

चिनी राष्ट्राध्यक्षांचे पंतप्रधान मोदींना पत्र, कोरोना संकटात मदतीचा दिला प्रस्ताव

कोविड 19 च्या प्रतिबंधासाठी सरकार आपल्या उपायांना गती देऊ इच्छित आहे. मोदींनी एका ट्विटमध्ये म्हटले आहे की, “एका सभेच्या अध्यक्षतेखाली विविध समूह गटांच्या कामांचा आढावा घेण्यात आला. हे समूह गट कोविड निवारणाच्या विविध बाबींची काळजी घेत आहेत आणि लोकांना मदत करीत आहेत. ”स्वयंसेवी संस्था रुग्ण, त्यांचे व्यवस्थापन करणारे आणि आरोग्यसेवा कामगार यांच्यातील जोडणी कशी साधता येऊ शकते, यावर चर्चा झाली.

Chaired a meeting during which the working of the various empowered groups was reviewed. These empowered groups are looking into various aspects of COVID relief and helping people. https://t.co/5aWpwRbOEy

— Narendra Modi (@narendramodi) April 30, 2021

या निवेदनात म्हटले आहे की, गरीब जनतेला कोणत्याही अडचणीशिवाय मोफत धान्य योजनेचा लाभ मिळावा, यासाठी केंद्र सरकारने राज्यांशी समन्वय साधून काम केले पाहिजे. पंतप्रधान म्हणाले की, प्रलंबित विमा दाव्यांचा त्वरित तोडगा काढण्यासाठी पावले उचलली पाहिजेत, जेणेकरून मृतांच्या अवलंबितांना वेळेवर दिलासा मिळेल.