देशांतर्गत पायाभूत सुविधांना चालना देण्यासाठी १०० लाख कोटींचा राष्ट्रीय प्लॅन ' गतिशक्ती' पंतप्रधान मोदी त्यांच्या हस्ते लॉन्च । Gati Shakti: Modi launches 100-lakh crore national master plan for multi-modal connectivity

देशांतर्गत पायाभूत सुविधांना चालना देण्यासाठी १०० लाख कोटींचा राष्ट्रीय प्लॅन ‘ गतिशक्ती’ पंतप्रधान मोदी त्यांच्या हस्ते लॉन्च

वृत्तसंस्था

नवी दिल्ली : देशांतर्गत पायाभूत सुविधांना चालना देण्यासाठी १०० लाख कोटींचा ‘गतिशक्ती’ राष्ट्रीय मास्टर प्लॅन पंतप्रधान मोदी त्यांच्या हस्ते आज लॉन्च करण्यात आला. Gati Shakti: Modi launches 100-lakh crore national master plan for multi-modal connectivity

नवी दिल्लीच्या प्रगती मैदानावर सकाळी ११ वाजता पीएम ‘गतिशक्ती’ कार्यक्रमाचे प्रक्षेपण झाले. गति शक्ती मास्टर प्लॅन आणि प्रगती मैदानावरील नवीन प्रदर्शन संकुलाच्या मॉडेलचा आढावा त्यांनी घेतला.

भारतातील पायाभूत सुविधांच्या दृष्टीने मैलाचा दगड ठरणारा हा प्लॅन आहे. आर्थिक क्षेत्रांशी मल्टी-मोडल कनेक्टिव्हिटीसाठी ‘पीएम गतिशक्ती – राष्ट्रीय मास्टर प्लॅन’ लाँच महत्वाचा ठरणार आहे.

पंतप्रधान मोदींच्या ‘आत्मनिभर भारत’ व्हिजनचा हा एक महत्त्वाचा भाग आहे आणि १.५ ट्रिलियन डॉलर्सच्या नॅशनल इन्फ्रास्ट्रक्चर पाईपलाईन अंतर्गत प्रकल्पांना अधिक शक्ती आणि गती देणे आहे. तसेच अर्थव्यवस्था ५ ट्रिलियन डॉलर्सची करण्याच्या दिशेने टाकलेले पाउल मानले जात आहे. कोरोना पश्चात अर्थव्यवस्थेला अधिक उभारी देण्यासाठी हा खटाटोप आहे.

अफगाणिस्तान पुन्हा दहशतवादाचे केंद्र बनू नये; पंतप्रधान नरेंद्र मोदींची जी २० परिषदेमध्ये अपेक्षा

पीएम गति शक्तीचे सहा स्तंभ:

1. सर्वसमावेशकता: यामध्ये एका केंद्रीय पोर्टलसह विविध मंत्रालये आणि विभागांच्या सर्व विद्यमान आणि नियोजित उपक्रमांचा समावेश असेल. प्रत्येक विभागाकडे आता परस्परांच्या कामाची माहिती असेल. प्रकल्पांचे नियोजन आणि अंमलबजावणीसाठी डेटा उपलब्ध होईल.

२. प्राधान्यक्रम: विविध विभाग त्यांच्या प्रकल्पांना परस्परसंवादाद्वारे प्राधान्य देऊ शकतील.

३ ऑप्टिमायझेशन: राष्ट्रीय मास्टर प्लॅन विविध मंत्रालयाला प्रकल्पांच्या नियोजनात मदत करेल. माल एका ठिकाणाहून दुसऱ्या ठिकाणी नेण्यासाठी, योजना वेळ आणि खर्चाच्या दृष्टीने सर्वात सोपा मार्ग निवडण्यात मदत करेल.

४ सिंक्रोनाइझेशन: वैयक्तिक मंत्रालये आणि विभाग अनेकदा सेलमध्ये काम करतात. प्रकल्पाच्या नियोजन आणि अंमलबजावणीमध्ये समन्वयाचा अभाव असल्याने विलंब होतो. पीएम गतिशक्ती प्रत्येक विभाग तसेच प्रशासनाच्या विविध स्तरांचे समन्वय साधून त्यांच्यामध्ये समन्वय सुनिश्चित करून मदत करेल.

५ विश्लेषणात्मक: योजना संपूर्ण डेटा एकाच ठिकाणी जीआयएस-आधारित स्थानिक नियोजन आणि विश्लेषणात्मक साधनांसह २००+ स्तरांसह प्रदान करेल, ज्यामुळे कार्यकारी एजन्सीला अधिक मदत मिळेल.

६ डायनॅमिक: सर्व मंत्रालये आणि विभाग आता जीआयएस प्लॅटफॉर्मद्वारे क्रॉस-सेक्टरल प्रकल्पांची प्रगती पाहू शकतील. कारण उपग्रह प्रतिमामुळे कामाचा आढावा घेता येणार आहे. पोर्टल नियमितपणे हे मास्टर प्लॅन अद्ययावत करण्यासाठी मदत करेल.