पाच मैत्रीणींनी दहशतवादाला नाकारत काश्मीर खोऱ्या त सुरू केली सुफी संगीताच्या सुरांची बरसात|Five girlfriends start rain of Sufi music in Kashmir Valley rejecting terrorism in the

पाच मैत्रीणींनी दहशतवादाला नाकारत काश्मीर खोऱ्यात सुरू केली सुफी संगीताच्या सुरांची बरसात

विशेष प्रतिनिधी

श्रीनगर : एकेकाळी दहशतवाद्यांची दहशतीखाली असलेल्या काश्मीर खोऱ्या त पाच मैत्रीणींनी दहशतवादाला नाकारत सुफी संगीताच्या सुरांची बरसात सुरू केली आहे. या पाच जणी सुफियाना संगीतात नवे प्राण फुंकत आहे.Five girlfriends start rain of Sufi music in Kashmir Valley rejecting terrorism in the

समाजाकडनू होणारा अपमान, नातेवाईकांचा विरोध आणि कुटुंबियांची नाराजी असूनही पाच मैैत्रीणी संगीताच्या सेवेसाठी एकत्र आल्या आहेत. बांडीपोरा जिला ज्ञान, शालीनता आणि गोड्या पाण्याचे सरोवर असलेल्या बुल्लरसाठी प्रसिध्द आहे. बांडीपोरापासून २० किलोमीटर अंतरावर असलेल्या गनसतान गावातील पाच मैैत्रीणी इरफाना यूसुफ, रिहाना यूसुफ, गुलशन लतीफ, शबनम बशीर आणि साइमा हमीद एकत्र आल्या.

काश्मीर खोऱ्यात वर्षभरात १०२ दहशतवाद्यांचा खात्मा, लष्करेचे तीन दहशतवादी ठार

त्यांनी आपल्या ग्रुपचे नाव यमबरजल ठेवले आहे. काश्मीरमध्ये सगळ्यात पहिल्यांदा बहरणाऱ्या छोट्या छोट्या पिवळ्या रंगाच्या फुलांना यमबरजल असे म्हटले जाते.२३ वर्षीय इरफाना आणि तिची बहिण इरफाना सुफी संगीतातील महत्वाचे वाद्य असलेले संतूर वाजवतात. बाकी मैैत्रीणी तबला, सितार, साज-ए-कश्मीरने साथ देतात.

हा ग्रुप आता काश्मीरची नवी ओळख बनला आहे. काश्मीरी मुलींचा हा पहिला संगीत ग्रुप मानला जात आहे. आता केवळ काश्मीरच नव्हे तर देश-विदेशात या ग्रुपने ओळख मिळविली आहे.