द्रौपदी मुर्मू : सर्वांचे प्रयत्न, सर्वांचे कर्तव्य!!; राष्ट्रपतीपदाच्या शपथविधीनंतर देशाला दिला पहिला मंत्र!!

By, Pravin Pawar - July 25, 2022 02:00:00

0

वृत्तसंस्था

नवी दिल्ली : सर्वांचे प्रयत्न, सर्वांचे कर्तव्य!!, राष्ट्रपती पदाच्या शपथविधीनंतर द्रौपदीमुळे यांनी आज राष्ट्राला उद्देशून हा पहिला मंत्र दिला. केंद्रात पंतप्रधान नरेंद्र मोदी यांचे सरकार “सबका साथ सबका विकास सबका प्रयास सबका विश्वास”, हा मंत्र अंमलात आणत असताना द्रौपदी मुर्मू यांनी “सर्वांचे प्रयत्न, सर्वांचे कर्तव्य”, अशी जोड त्याला दिली आहे.Draupadi Murmu Everyone Endeavor Everyone Duty The first mantra given to the country after the swearing-in of the President

देशाच्या पंधराव्या राष्ट्रपती म्हणून द्रौपदी मुर्मू यांनी राष्ट्रपतिपदाची शपथ आज सकाळी संसदेच्या सेंट्रल हॉलमध्ये 10.15 वाजता घेतली. सर्वोच्च न्यायालयाचे सरन्यायधीश एन. व्ही. रामण्णा यांनी त्यांना राष्ट्रपतीपदाची शपथ दिली.

तत्पूर्वी त्या राष्ट्रपती भवनात पोहोचल्या. तिथे त्यांनी रामनाथ कोविंद आणि त्यांच्या पत्नीची भेट घेतली. राष्ट्रपती भवनाकडे रवाना होण्यापूर्वी त्यांनी राजघाटावर महात्मा गांधींना आदरांजली वाहिली. यानंतर त्यांना 21 तोफांची सलामी देण्यात आली. त्यानंतर नवीन राष्ट्रपतींचे अभिभाषण झाले असून यानंतर त्या राष्ट्रपती भवनात पोहोचल्या.

हे माझे सौभाग्य

राष्ट्रपतीपदाची शपथ घेतल्यानंतर मुर्मू म्हणाल्या की, देश स्वातंत्र्याचा सुवर्णमहोत्सव येत्या काही दिवसांतच साजरा करणार आहे. देशाच्या राष्ट्रपती बनने माझे सौभाग्य आहे. देशाच्या जनतेचे मी आभार मानते. समाजाच्या प्रत्येक घटकासाठी मी काम करणार आहे.

हीच लोकशाहीची ताकद

राष्ट्रपती मुर्मू म्हणाल्या, मी माझी जीवनयात्रा ओडिसातील भूमीतून सुरु केली. आदिवासी समाजातून असलेली मी भारताची राष्ट्रपती झाले. लोकशाहीची ही ताकद आहे की, आदिवासी समाजातील, एका छोट्या गावातील मुलगी देशाच्या राष्ट्रपतिपदी झाली.

In her address after taking oath, President Droupadi Murmu Ji gave a message of hope and compassion. She emphasised on India's accomplishments and presented a futuristic vision of the path ahead at a time when India is marking Azadi Ka Amrit Mahotsav. pic.twitter.com/I2DEO5wHbO

— Narendra Modi (@narendramodi) July 25, 2022

प्राथमिक शिक्षणही स्वप्नवत

राष्ट्रपती म्हणाल्या, “मी जिथून आले त्या समुदायात, भागात अगदी प्राथमिक शिक्षण हेही स्वप्नवत आहे. गरीब, मागासलेल्याचे प्रतिबिंब माझ्यात दिसते. मी भारतातील तरुण आणि महिलांना खात्री देतो की या पदावर काम करताना त्यांच्या हितासाठी तत्पर असेन.

मुर्मू म्हणाल्या, स्वतंत्र भारतात जन्मलेला मी पहिला राष्ट्रपती आहे. आपल्या स्वातंत्र्यसैनिकांनी भारतीयांवर ठेवलेल्या अपेक्षा पूर्ण करण्याचा मी सर्वतोपरी प्रयत्न करेन. राष्ट्रपती पदापर्यंत पोहोचणे हे माझे वैयक्तिक कर्तृत्व नसून देशातील सर्व गरिबांचे ते यश आहे. माझे नामांकन हा पुरावा आहे की भारतातील गरीब केवळ स्वप्ने पाहू शकत नाहीत, तर ती स्वप्ने पूर्णही करू शकतात.

देशहितासाठी कार्य करु

राष्ट्रपती मुर्मू म्हणाल्या, नव्या रस्त्यावर चालणाऱ्या भारतासाठी प्रगतीचा संकल्प करीत आहे. मी समस्त देशवासीयांना विश्वास देते की, या पदावर काम करताना मला देशहित महत्वाचे असेल. भारताच्या आजवरच्या सर्व राष्ट्रपतींनी हे पद भूषवले आहे.

स्वातंत्र्यसेनानींनी स्वाभिमान शिकवला

राष्ट्रपती मुर्मू म्हणाल्या, देशाच्या महान स्वातंत्र्यसेनानींनी राष्ट्रीय स्वाभिमान शिकवला. राणी लक्ष्मीबाई, राणी चेनम्मासारख्या महिलांनी नारीशक्तीची भूमिका दाखवून दिली. संथाल क्रांतिने आदिवासींच्या उत्थानासाठी प्रयत्न केले. बिरसा मुंडा यांच्याकडून प्रेरणा मिळाली.

भारताने नवे मापदंड प्रस्थापित केले

राष्ट्रपती मुर्मू म्हणाल्या, आम्ही भारतीयांनी आपल्या प्रयत्नांनी जगासमोर नवे मापदंड प्रस्थापित केली. कोरोना व्हॅक्सिनचा जागतिक विक्रम आपण केला. कोरोना महामारीत जग झुंजतेय पण भारताकडे एका विश्वासने जग पाहत आहे. आगामी महिन्यात देश आपली जी-२० ग्रुपचे यजमानपदी असेल. भारतात होणाऱ्या या परिषदेचा येत्या काळात देशाला फायदा होईल.

नारीशक्ती दिसून आली

राष्ट्रपती मुर्मू म्हणाल्या, मी देशाच्या युवकांचा उत्साह आणि आत्मविश्वास जवळून पाहिला आहे. आपण प्रत्येक क्षेत्रात पुढे जात आहोत. डिजीटल तंत्रज्ञानात देशाची महत्वाची भुमिका आहे. देशात नारीशक्तीलाही महत्व आहे. देशातील महिला आणि मुली सशक्त व्हाव्यात आणि त्यांनी देशाच्या प्रत्येक क्षेत्रात योगदान द्यावे.

राष्ट्रपती मुर्मू म्हणाल्या, आदिवासी समाजात माझा जन्म झाला. या समाजाने निसर्गासोबत आपला अधिवास ठेवला. मी जंगल आणि नद्यांच्या सानिध्यात होते. पूर्ण निष्ठेने काम करण्यासाठी मी तत्पर असून आपण सर्वांनी समर्पित होऊन भारताला आत्मनिर्भर बनवू वैभवशाली करू.

शपथविधीला ओडिशातील 64 विशेष पाहुणे

मुर्मू यांच्या शपथविधी कार्यक्रमाला ओडिशातील 64 विशेष पाहुणे उपस्थित होते. शपथविधीनंतर राष्ट्रपती भवनात विशेष पाहुण्यांसाठी स्नेहभोजनाचे आयोजन करण्यात आले आहे. त्यानंतर सर्वांना संपूर्ण इमारत दाखविली जाईल.

– खास पाहुणे

खास पाहुण्यांमध्ये मुर्मूंचे भाऊ तरनिसेन तुडू आणि वहिनी सुकरी तुडू हे वरबेडा गावातून दिल्लीला पोहोचले आहेत. याशिवाय मुलगी इतिश्री, जावई गणेशचंद्र हेमब्रम, नातवंड यात मोठी नात अडीच वर्षांची आहे, तर दुसरी जेमतेम अडीच महिन्यांची आहे. याशिवाय त्याच्या खास पाहुण्यांमध्ये त्याचा मित्र- धनकी मुर्मू यांचा समावेश आहे. धनकीने भुवनेश्वर येथील महाविद्यालयात त्यांच्यासोबत शिक्षण घेतले. द्रौपदी यांची ही मैत्रीण त्यांच्या प्रत्येक दुःखात आणि सुखात तिच्यासोबत असते.

द्रौपदी यांचे सध्याचे निवासस्थान असलेल्या रायरंगपूर येथील भाजप कार्यकर्त्यांसह आणखी चार लोक या कार्यक्रमाला उपस्थित राहण्यासाठी दिल्लीला पोहोचले आहेत. याशिवाय जिल्ह्यातील आमदार आणि त्यांच्या काही गावातील पहारपूर, वरवाडा यांमध्ये राजकीय कार्यकर्त्यांचाही समावेश आहे.

मुर्मू 15 व्या राष्ट्रपती

मुर्मू 25 जुलैला शपथ घेणाऱ्या 15 व्या राष्ट्रपती असतील. भारताच्या सहाव्या राष्ट्रपती नीलम संजीव रेड्डी यांनी 25 जुलै 1977 रोजी शपथ घेतली. त्यानंतर 25 जुलै रोजी ग्यानी झैलसिंग, आर. व्यंकटरमण, शंकरदयाळ शर्मा, के. आर. नारायणन, ए.पी.जे. अब्दुल कलाम, प्रतिभा पाटील, प्रणव मुखर्जी आणि रामनाथ कोविंद यांनी त्याच तारखेला शपथ घेतली.

सर्वात तरुण राष्ट्रपती

सर्वात तरुण राष्ट्रपती असेलेल्या द्रौपदी मुर्मू (वय 64) या स्वातंत्र्यानंतर जन्मलेले पहिल्या आणि सर्वोच्च पद भूषवणाऱ्या सर्वात तरुण राष्ट्रपती असतील. तसेच राष्ट्रपती बनणाऱ्या त्या दुसऱ्या महिला आहेत. मुर्मू (64) यांनी विरोधी पक्षाचे राष्ट्रपतीपदाचे उमेदवार यशवंत सिन्हा यांचा पराभव केला. मतदारांसह खासदार आणि आमदारांच्या वैध मतांपैकी 64 टक्क्यांहून अधिक मते घेऊन मुर्मू विजयी झाले. मुर्मू यांना 6 लाख 76 हजार 803 मते मिळाली, तर सिन्हा यांना 3 लाख 80 हजार 177 मते मिळाली.