उत्तर प्रदेशात निवडणुकीचे पडघम लागले वाजू, सत्तारुढ भाजप लागला तयारीला

By, Vishal Joshi - June 2, 2021 12:10:18

0

विशेष प्रतिनिधी

लखनौ : देशाची सत्ता मिळवण्यात नेहमी महत्वाची भूमीका अदा करणाऱ्या उत्तरप्रदेशात पुढील वर्षी होणाऱ्या विधानसभा निवडणुकीचे पडघम आतापासूनच वाजू लागले आहेत. केंद्रात सत्ता मिळवण्यात भाजपला मोलाची साथ दिलेल्या या राज्यात आता भाजपने संघटनात्मक पातळीवर फेरआढावा घ्यायला सुरुवात केली आहे. BJP start planning for UP election

भाजपचे राष्ट्रीय सरचिटणीस (संघटन) बी.एल. संतोष यांनी आज राज्यातील अनेक ज्येष्ठ नेत्यांशी संवाद साधत परिस्थिती जाणून घेण्याचा प्रयत्न केला. याआधी देखील संतोष यांनी उपमुख्यमंत्री केशवप्रसाद मौर्य आणि दिनेश शर्मा यांची भेट घेत चर्चा केली होती. कामगारमंत्री स्वामीप्रसाद मौर्य यांच्याशीही ते बोलले होते..

उत्तर प्रदेश, पंजाबसह पाच राज्यात नियोजित वेळीच होणार निवडणुका, मुख्य निवडणूक आयुक्तांचा विश्वास

या बैठकीनंतर मौर्य म्हणाले की, ‘‘ पुढील वर्षी होणाऱ्या निवडणुकीमध्ये आम्ही ३०० जागा जिंकून दाखवू.’’ संतोष यांच्यासोबत केंद्रीयमंत्री राधामोहनसिंह यांचाही आढावा घेणाऱ्या नेत्यांच्या समितीत समावेश आहे. सायंकाळी मुख्यमंत्री योगी आदित्यनाथ यांच्या घरी आयोजित मेजवानीला हजेरी लावण्यापूर्वी त्यांनी स्थानिक नेत्यांची भेट घेत चर्चा केली.