वाढत्या कोरोनामुळे कर्नाटकची राजधानी बंगळूरमध्ये आरोग्य आणीबाणी

विशेष प्रतिनिधी

बंगळूर : वाढत्या कोरोनामुळे कर्नाटकची राजधानी बंगळुरात आरोग्य आणीबाणीची घोषणा करण्यात आली आहे. कोविडबाधितांवर उपचार करण्यासाठी सरकारी व खासगी वैद्यकीय महाविद्यालयांची रुग्णालये, तसेच इतर खासगी रुग्णालयांत बेड आरक्षित करण्याची सक्ती करण्यात आली आहे.banglore declares helath emergancy

कोविड नसलेल्या प्रकरणात आई आणि बाळ यांच्यावरील उपचाराचे बेड, डायलिसिस बेड वगळून बाकीच्या सर्व बेड कोविड रुग्णांच्या उपचारासाठी बाजूला ठेवण्याचा सरकार आज आदेश जारी करणार असल्याचे राज्याचे आरोग्यमंत्री डॉ. सुधाकर यांनी स्पष्ट केले आहे.

बंगळूर राहण्याच्या दृष्टीने सर्वोत्तम शहर , पुण्याचा दुसरा क्रमांक ; अहमदाबाद तिसरे

शुद्ध वाऱ्यात ऑक्सिजन शुद्ध करून कोविड रुग्णांना देण्याचे उपकरण आणण्यात येणार आहे. या उपकरणातून वाऱ्यातील ऑक्सिजन कॉन्संट्रेट करून रुग्णांना ऑक्सिजन पुरविणे शक्य आहे, या गोष्टीत सरकारने लक्ष घातल्याचे ते म्हणाले.

संसर्गजन्य रोग कायदा आणि आपत्ती व्यवस्थापन कायद्यानुसार बंगळूरसह राज्यातील सर्व वैद्यकीय महाविद्यालये तसेच बंगळूरमधील १३ खासगी आणि शासकीय वैद्यकीय महाविद्यालये सर्व आपत्कालीन बेड वगळता पूर्णपणे सज्ज आहेत.