‘आयएसआय’ च्या अटक केलेल्या दहशतवाद्यांनी रचला होता सणासुदीमध्ये स्फोट करण्याचा कट ; पोलिस अधिकाऱ्यांकडून षडयंत्राचा पर्दाफाश

By, Vishal Joshi - September 15, 2021 11:50:22

0

वृत्तसंस्था

नवी दिल्ली : ‘आयएसआय’ने दिल्ली, उत्तर प्रदेश, महाराष्ट्र या राज्यांतील शहरांमध्ये सणासुदीच्या काळात हल्ले करण्याचा कट आखला होता, असे पोलिस अधिकाऱ्यांनी सांगितले. भारतात सणाच्या काळात दहशतवादी हल्ले करण्यासाठी आलेल्या सहा जणांना पोलिसांनी काल अटक केली. त्यानंतर पोलीस अधिकाऱ्यानी त्यांच्या कटाची माहिती दिली. त्यातील दोघांना पाकिस्तानच्या गुप्तचर संस्थेने (आयएसआय) प्रशिक्षण दिल्याचे उघड झाले आहे. दिल्ली पोलिसांच्या स्पेशल सेलने पाकिस्तानने फंडिंग केलेल्या दहशतवादी मॉड्यूलचा पर्दाफाश केला आहे. दाऊद इब्राहीमच्या साथीदारांना हाताशी धरून ‘आयएसआय’ने दिल्ली, उत्तर प्रदेश, महाराष्ट्र या राज्यांतील शहरांमध्ये सणाच्या काळात हल्ले करण्याचा कट आखला होता, असे पोलिस अधिकाऱ्यांनी सांगितले आहे. यासाठी, मॉड्यूलच्या वेगवेगळ्या संशयितांना आणि त्यांच्या नेटवर्कशी संबंधित लोकांना वेगवेगळी कामे दिली गेली. एका वरिष्ठ अधिकाऱ्याने हा खुलासा केला. Arrested ISI terrorists The plot was to explode in the festival; Conspiracy exposed by police officers

जान महंमद शेख (४७, महाराष्ट्र), ओसामा ऊर्फ सामी (२२, जामियानगर), मूलचंद ऊर्फ साजू (४७, रायबरेली), झिशान कमर (२८, अलाहाबाद), महंमद अबू बकर (२३, बहराइच), महंमद अमीर जावेद (३१, लखनऊ) या सहा जणांना काल अटक केल्याचे दिल्लीचे विशेष पोलीस आयुक्त नीरज ठाकूर यांनी सांगितले.

आरोपी ओसामा २२ एप्रिल २०२१ रोजी सलाम एअरच्या विमानाने लखनौहून मस्कत, ओमानला गेला होता. तिथे त्याची भेट अलाहाबादचा रहिवासी झिशानशी झाली. जे पाकिस्तानात प्रशिक्षण घेण्यासाठी भारतातून तेथे पोचले होते. त्यांच्यासोबत १५-१६ बंगाली भाषिक लोक होते. ते वेगवगळ्या गटांमध्ये विभागले गेले आणि झिशान आणि ओसामा यांना एका गटात ठेवले. पुढील काही दिवसांमध्ये, बोटीने त्यांना पाकिस्तानच्या ग्वादर बंदराजवळील जिओनी शहरात नेले. तेथे त्यांचे एका पाकिस्तानीने स्वागत केले जे त्याला पाकिस्तानच्या थट्टा येथील फार्म हाऊसवर घेऊन गेले.
फार्म हाऊसमध्ये तीन पाकिस्तानी नागरिक होते.

दहशतवादी हल्याचा कट दिल्ली पोलीसांनी उधळून लावला, सहा जणांना अटक, महाराष्ट्रासह उत्तर प्रदेशात, दिल्लीत हल्याची योजना

यापैकी दोघांनी त्यांना प्रशिक्षण दिले. हे दोघेही पाकिस्तानी लष्करातील होते. त्याने लष्करी गणवेश घातला होता. त्यांना दैनंदिन वापराच्या वस्तूंच्या मदतीने बॉम्ब आणि आयईडी बनवण्याचे प्रशिक्षण दिले. त्यांना लहान शस्त्रे आणि एके -४७ हाताळण्याचे आणि वापरण्याचे प्रशिक्षण देण्यात आले. या पद्धतीने प्रशिक्षण सुमारे १५ दिवस चालले आणि त्यानंतर, त्यांना त्याच मार्गाने मस्कतला नेण्यात आले. तिथून भारतातील विविध राज्यांमध्ये असलेल्या शहरांमध्ये पोचल्यानंतर त्यांनी गुप्तपणे काम करण्यास सुरुवात केली.

दिल्ली पोलिसांच्या विशेष कक्षाला केंद्रीय गुप्तचर यंत्रणेकडून माहिती मिळाली की पाकिस्तानचे गुप्तचर युनिट आयएसआय आणि अंडरवर्ल्ड यांच्या संयोगाने तयार केलेले मॉड्यूल भारतात आयईडी स्फोट घडवण्याची योजना आखत आहेत. पोलिसांनी दिल्लीच्या ओखला भागात काम करणाऱ्या संशयितांवर आणि महाराष्ट्रात या मॉड्यूलचा एक महत्त्वाचा भाग काम करत असल्याचे कळल्यावर पाळत ठेवण्यात आली.

अनेक राज्यात छापे टाकून कारवाई

उत्तर प्रदेश आणि महाराष्ट्रासह देशाच्या विविध भागात त्याच्या साथीदारांवर नजर ठेवली जाऊ लागली. मुंबई, महाराष्ट्र आणि लखनौ, प्रयागराज, राय-बरेली, प्रतापगढ, उत्तर प्रदेश येथे एकाच वेळी अनेक पथके तैनात केली. अशाप्रकारे, गुप्तचर माहितीच्या आधारे, छापे टाकले, प्रथम अंडरवर्ल्डच्या जन मोहम्मद शेख उर्फ समीर कालियाला दिल्लीला जात असताना राजस्थानमधील कोटा येथे पकडण्यात आले. ओसामाला दिल्लीतील ओखला येथून, मोहम्मद अबू बकरला दिल्लीतील सराय काले खान येथून, तर झिशानला उत्तर प्रदेशाच्या अलाहाबाद येथून अटक केली. याशिवाय लखनौ येथून मोहम्मद अमीर जावेद आणि मूळचंद उर्फ साजू उर्फ लाला याला रायबरेली येथून अटक करण्यात आली.