Weather Alert: देशात अनेक भागात बदलले हवामान, आयएमडीने आठवडाभरासाठी जारी केला अलर्ट

By, Pravin Wankhade - November 30, 2023 10:00:26

0

वृत्तसंस्था

नवी दिल्ली : देशातील अनेक भागांत हवामान झपाट्याने बदलत आहे. येत्या काही दिवसांत अनेक राज्यांमध्ये पाऊस आणि बर्फवृष्टी होईल. त्यात अनेक डोंगराळ आणि मैदानी राज्यांचा समावेश आहे. हवामान खात्याने काश्मीर, हिमाचल प्रदेश, गुजरात आणि आंध्र प्रदेशमध्ये पावसाचा इशारा दिला आहे.Weather Alert Weather has changed in many parts of the country, IMD has issued an alert for a week

‘दिल्ली-एनसीआर’मध्ये हवामान बदलले, अचानक पावसामुळे थंडी वाढली; प्रदूषणापासून दिलासा मिळण्याची आशा

काश्मीरमध्ये बर्फवृष्टी

काश्मीरमधील किमान तापमानात काही अंशांनी घट झाली आहे. श्रीनगरमध्ये किमान तापमान 0.8 अंश सेल्सिअस नोंदवले गेले, जे आदल्या रात्रीच्या 3.9 अंश सेल्सिअसपेक्षा तीन अंश कमी आहे. हवामान खात्याच्या अधिकाऱ्यांनी सांगितले की, जम्मू-काश्मीरमध्ये वेस्टर्न डिस्टर्बन्सचा प्रभाव आहे. यामुळे बुधवारी रात्री आणि गुरुवारी केंद्रशासित प्रदेशाच्या मध्य आणि उच्च भागात हलका ते मध्यम पाऊस किंवा हिमवृष्टीची शक्यता आहे. ते म्हणाले की, सध्या जम्मू-काश्मीरमधील बहुतांश ठिकाणी ढगाळ वातावरण असेल आणि संध्याकाळपर्यंत अनेक ठिकाणी हलका पाऊस किंवा हिमवृष्टीची शक्यता आहे.

Current district & station Nowcast warnings at 1730 IST Date, 29th November. For details kindly visit:https://t.co/AM2L3hiN2o https://t.co/uP8lcY6Muy

If you observe any weather, kindly report it at: https://t.co/5Mp3RJY2d0 @moesgoi @DDNewslive @ndmaindia @airnewsalerts pic.twitter.com/00LlaMNZ14

— India Meteorological Department (@Indiametdept) November 29, 2023

हिमाचल प्रदेशात थंडीची लाट

हिमाचल प्रदेश थंडीच्या लाटेने ग्रासला आहे. गेल्या 24 तासांत काही उंचावरील भागात हलक्या हिमवृष्टीची नोंद झाली. त्याचवेळी मध्यवर्ती भागात पावसाची माहिती आहे. हवामान केंद्राच्या म्हणण्यानुसार येत्या काही दिवसांतही हवामान खराब राहील. बर्फवृष्टी आणि थंडीच्या लाटेमुळे कमाल तापमानातही घसरण नोंदवण्यात आली आहे. राजधानी शिमलामध्ये आज सकाळपासून ढगांचा लपंडाव सुरू होता. IMD ने 30 नोव्हेंबरपर्यंत खराब हवामानाचा अंदाज वर्तवला आहे. 28 ते 30 नोव्हेंबरपर्यंत येथे हवामान खराब राहील.

Weather Alert : पुढील तीन दिवस महाराष्ट्रात पुन्हा मुसळधार पाऊस, येत्या 24 तासांत 24 जिल्ह्यांमध्ये सतर्कतेचा इशारा

गुजरातमध्ये अवकाळी पाऊस

याशिवाय आज आणि उद्या गुजरातमध्ये अवकाळी पावसाचा अंदाज आहे. हवामान विभागाच्या शास्त्रज्ञांनी सांगितले की, आज आणि उद्या गुजरातमधील दाहोद, नर्मदा, डांग, छोटा-उदेपूर आणि वलसाडमध्ये सामान्य पाऊस पडू शकतो. याशिवाय आंध्र प्रदेशातही पावसाचा इशारा देण्यात आला आहे. बंगालच्या उपसागरातील कमी दाबाच्या क्षेत्राच्या प्रभावामुळे आंध्र प्रदेशच्या काही भागांत 5 डिसेंबरपर्यंत वादळ आणि मुसळधार पावसाची शक्यता असल्याचे हवामान खात्याने बुधवारी सांगितले.