Wayanad Amit Shah : वायनाडमधील विध्वंसावर अमित शाह राज्यसभेत म्हणाले, ‘आम्ही दिला होता इशारा’

By, Pravin Wankhade - July 31, 2024 06:00:56

0

चेतावणी देऊनही केरळ सरकारने या प्रकरणाचे गांभीर्य दाखवले नाही आणि त्याकडे दुर्लक्ष केले.

विशेष प्रतिनिधी

नवी दिल्ली : केरळमधील वायनाडमध्ये झालेल्या विनाशात शंभराहून अधिक लोकांना आपला जीव गमवावा लागला आहे. अनेक लोक बेघर झाले असून अनेक गावे पाण्याखाली गेली आहेत. आता केंद्रीय गृहमंत्री अमित शहा (amit Shah) यांनी वायनाडमधील भूस्खलनाबाबत राज्यसभेत भाषण केले आहे.

Yashshree Shinde murder : यशश्री शिंदे हत्येतील आरोपी दाऊद शेखच्या मुसक्या आवळल्या; खुनाची दिली कबुली, कर्नाटकातून अटक

अमित शाह म्हणाले, केंद्र सरकारने केरळ सरकारला भूस्खलनाबाबत पूर्वसूचना दिली आहे. चेतावणी देऊनही केरळ सरकारने या प्रकरणाचे गांभीर्य दाखवले नाही आणि त्याकडे दुर्लक्ष केले. या घटनेबाबत इशारे देऊनही केरळ सरकारने लोकांना तेथून हटवले नाही. केरळ सरकारने केंद्राच्या इशाऱ्याकडे दुर्लक्ष केले.

केरळमधील वायनाड जिल्ह्यात मुसळधार पावसामुळे भूस्खलन झाले आहे. या आपत्तीत आतापर्यंत 168 लोकांचा मृत्यू झाला आहे, तर शेकडो लोक जखमी झाले आहेत आणि अनेक अजूनही अडकून पडले आहेत. भूस्खलनामुळे घरांचे आणि रस्त्यांचे मोठे नुकसान झाले आहे. अनेक झाडे उन्मळून पडली असून नद्यांना पूर आला आहे. बेपत्ता लोकांचा शोध आणि सुटका करण्यासाठी सर्व शक्य साधनांसह ऑपरेशन सुरू आहे.