ड्रॅगनची पुन्हा कुरघोडी, भूतानमधील वादग्रस्त सीमेवर गाव वसवले; नवीन घरांमध्ये स्थायिक होणार चिनी नागरिक

By, Pravin Wankhade - February 20, 2024 01:00:06

0

वृत्तसंस्था

नवी दिल्ली : एकीकडे सीमावाद सोडवण्यासाठी चीन भूतानशी चर्चा करत आहे, तर दुसरीकडे वादग्रस्त भागात गावेही वसवत आहे. हाँगकाँगमधून प्रसिद्ध झालेल्या ‘साऊथ चायना मॉर्निंग पोस्ट’ या वृत्तपत्राच्या अहवालात हा दावा करण्यात आला आहे.Village on the Disputed Border in Bhutan; Chinese citizens will settle in new homes

या अहवालानुसार, या गावात काही घरे बांधली गेली आहेत आणि 18 चीनी नागरिकांची पहिली तुकडी लवकरच या नवीन घरांमध्ये राहायला येणार आहेत. आतापर्यंत भूतान सरकारकडून याबाबत अधिकृतपणे काहीही सांगण्यात आलेले नाही.

ड्रॅगनची नवी खेळी; तालिबानला 120 देशांसोबत बसवणार चीन, पहिल्यांदाच इतकं महत्त्व मिळणार

रिपोर्टनुसार, चीन या हिमालयीन प्रदेशात अतिशय शांतपणे आपला पाय पसरवत आहे. राष्ट्राध्यक्ष शी जिनपिंग यांच्या धोरणाचे हे आणखी एक उदाहरण आहे. 28 डिसेंबर 2023 रोजी 38 लोकांना येथे हलवण्यात आले आहे. स्थानिक भाषेत या गावाचे नाव तामालुंग आहे. चीनचे म्हणणे आहे की, तो आपल्या तिबेटी भूभागाचा भाग आहे आणि त्याचा भूतानशी कोणताही संबंध नाही.

दोन महिन्यांपूर्वी अमेरिकन सॅटेलाइट इमेजरी कंपनी मॅक्सरनेही सॅटेलाइट इमेजच्या माध्यमातून या भागात 147 नवीन घरे बांधल्याचे सांगितले होते. एकूण 235 लोक येथे स्थायिक होणार असल्याचे समजते. याआधी 2022 मध्ये येथे 70 घरे बांधली गेली आणि 200 लोक त्यामध्ये राहायला आले.

चीन आणि भूतानमध्ये राजनैतिक संबंध नाहीत, परंतु दोन्ही देशांचे अधिकारी संवादाचे मार्ग खुले ठेवतात. या अहवालानुसार चीनने आतापर्यंत 12 देशांसोबतचे सीमा विवाद सोडवले आहेत. हे प्रकरण भारत आणि भूतानमध्ये अजूनही सुरू आहे.

भूतानच्या उत्तर भागात चीन वेगाने पायाभूत सुविधा विकसित करत आहे. सॅटेलाईट इमेजमधून ही बाब समोर आली आहे. चीन आणि भूतान सीमा विवाद सोडवण्यासाठी चर्चा करत असताना हे चित्र समोर आले आहे.

गेल्या महिन्यात बेयुल खेनपाजोंग परिसराची छायाचित्रे समोर आली होती. हा परिसर राजघराण्याशी संबंधित आहे. अमेरिकेच्या मॅक्सर टेक्नॉलॉजीने प्रसिद्ध केलेल्या उपग्रह प्रतिमांमध्ये बेयुल खेनपाजोंगमध्ये गेल्या 3 वर्षात केलेले चिनी बांधकाम दाखवले आहे. चीनने येथे राजघराण्याच्या मालकीच्या जमिनींवर इमारती आणि रस्ते बांधले आहेत.

लंडन युनिव्हर्सिटीच्या स्कूल ऑफ ओरिएंटल अँड आफ्रिकन स्टडीज (SOAS) मधील तिबेटी इतिहासाचे तज्ज्ञ प्रोफेसर रॉबर्ट बार्नेट म्हणतात की, चीनच्या या उपक्रमांतून त्याची महत्त्वाकांक्षा दिसून येते. ते म्हणाले, भूतानसाठी बेयुल खेनपाजोंगचे सांस्कृतिक महत्त्व आहे हे माहीत असूनही चीन बांधकाम करत आहे. भूतान या कारवाईला प्रतिसाद देऊ शकत नाही, हे त्यांना माहीत आहे.

राजघराण्यातील पूर्वजांचा वारसा डोंगराळ भागापर्यंत पसरलेला असल्याचे जाणकार सांगतात. त्यावर चीनने कब्जा केला आहे. असे असूनही येथे चीनचा कब्जा रोखण्यात भूतान सरकार अपयशी ठरले आहे.