Uttar Pradesh : १९७८ च्या संभल दंगलीची फाईल पुन्हा उघडणार, उत्तर प्रदेश सरकारने दिले आदेश

By, Pravin Wankhade - January 9, 2025 07:00:08

0

या प्रकरणी गृह विभागाने संभळचे डीएम आणि एसपी यांना पत्र पाठवले आहे.

विशेष प्रतिनिधी

२४ नोव्हेंबर रोजी संभलमध्ये झालेल्या हिंसाचारानंतर, योगी सरकार १९७८ मध्ये झालेल्या दंगलींची चौकशी करण्याचे आदेश देऊ शकते. ४६ वर्षांपूर्वी झालेल्या दंगलींचा तपास योग्यरित्या झाला नाही असे उत्तर प्रदेश सरकारला वाटते. या दंगलीत १८४ जणांना आपला जीव गमवावा लागला होता. तपासात हिंदूंशी भेदभाव करण्यात आला असे योगी सरकारचे मत आहे. आता उत्तर प्रदेश सरकारने दंगलीची फाईल पुन्हा उघडण्याचे आदेश दिले आहेत. या प्रकरणी गृह विभागाने संभळचे डीएम आणि एसपी यांना पत्र पाठवले आहे.

बीड – संतोष देशमुख प्रकरणात पवारांचे आधी मुख्यमंत्र्यांना पत्र, नंतर फोन; फडणवीसांनी संपविला एका वाक्यात विषय!!

४६ वर्षांपूर्वी संभळमध्ये झालेल्या दंगलीची फाईल पुन्हा उघडली जाणार आहे. मुख्यमंत्री योगी आदित्यनाथ यांच्या विधानसभेत केलेल्या विधानानंतर हा निर्णय घेण्यात आला आहे. २९ मार्च १९७८ रोजी संभळमध्ये दंगल झाली. दंगल अनेक दिवस चालू राहिली. शहरात दोन महिने कर्फ्यू होता. या दंगलीत १८४ जणांना आपला जीव गमवावा लागला. या दंगलीत १६९ गुन्हे दाखल झाले. काल, मुरादाबादचे आयुक्त अंजनेय सिंह यांनी संभळचे डीएम राजेंद्र पेन्सिया यांच्याकडून दंगलीशी संबंधित सर्व नोंदी मागवल्या. काही लोकांच्या तक्रारींच्या आधारे अनेक प्रकरणे पुन्हा उघडली जाऊ शकतात, असे सूत्रांकडून समजते. या प्रकरणी आयुक्त अंजनेय सिंह यांनी आज बैठक बोलावली आहे.

संभल प्रकरणावर मुख्यमंत्री योगी म्हणाले की, माननीय न्यायालयाच्या निर्देशानुसार, जिल्हा दंडाधिकारी आणि पोलिस अधीक्षक शांततेत सर्वेक्षण करतात. त्यांनी सांगितले की, पहिले दोन दिवस सर्वेक्षणादरम्यान शांततेचा कोणताही भंग झाला नाही.

मुख्यमंत्री योगी यांनी दावा केला की, “२३ नोव्हेंबर रोजी शुक्रवारच्या नमाजदरम्यान ज्या प्रकारची भाषणे देण्यात आली त्यानंतर वातावरण बिघडले, त्यानंतरची परिस्थिती सर्वांसमोर आहे.” सभागृहाचे नेते म्हणाले, “संभळमधील वातावरण खराब केले गेले आहे.