बाबरी प्रकरणाच्या निवृत्त न्यायाधीशांना जीवे मारण्याची धमकी, निवासस्थानी वाढवली सुरक्षा। Threats to kill retired judge of Babri case, increased security at residence

बाबरी प्रकरणाच्या निवृत्त न्यायाधीशांना जीवे मारण्याची धमकी, निवासस्थानी वाढवली सुरक्षा

सेवानिवृत्त न्यायाधीशांनी पोलीस आयुक्त डी के ठाकूर यांना माहिती दिली असून गोमतीनगर पोलीस ठाण्यात अज्ञातांविरोधात गुन्हा दाखल केला आहे. Threats to kill retired judge of Babri case, increased security at residence

विशेष प्रतिनिधी

लखनऊ : बाबरी प्रकरणात विशेष न्यायाधीश पदावरून निवृत्त झालेले न्यायाधीश शेठ शैलेंद्र नाथ टंडन यांना फोनवरून जीवे मारण्याची धमकी देण्यात आली आहे.

अनेक धमकीचे संदेशही पाठवण्यात आले आहेत. सेवानिवृत्त न्यायाधीशांनी पोलीस आयुक्त डी के ठाकूर यांना माहिती दिली असून गोमतीनगर पोलीस ठाण्यात अज्ञातांविरोधात गुन्हा दाखल केला आहे.टंडन यांच्या निवासस्थानी सुरक्षा वाढवली असून पोलिसांनी तपास सुरू केला आहे.

लखनऊतील गँगस्टर अजमत अली, त्याचा मुलगा समाजवादी पक्षाचा माजी मंत्री मोहम्मद इक्बाल यांची 2.54 अब्ज रुपयांची संपत्ती जप्त

गोमतीनगरच्या विरमखंड पाचमध्ये राहणारे न्यायाधीश शेठ शैलेंद्र नाथ टंडन यांना शुक्रवारी रात्री उशिरा एका अज्ञात क्रमांकावरून फोन आला. अपशब्द वापरून जीवे मारण्याची धमकी देण्यात आली. मग त्याच नंबरवरून मेसेजेसही पाठवले गेले.

गोमतीनगर निरीक्षक केशवकुमार तिवारी म्हणाले की, ज्या नंबरवरून कॉल करण्यात आला होता, तो नंबर बनावट आयडी वापरून खरेदी केल्याची माहिती प्राप्त झाली आहे. पाळत ठेवण्याच्या कक्षाच्या मदतीने अधिक तपास केला जात आहे.