नौदलाची ताकद वाढणार! राष्ट्रपती मुर्मू यांनी केले ‘आयएनएस विंध्यगिरी’ युद्धनौकेचे उद्घाटन The strength of the navy will increase President Murmu inaugurated the warship INS Vindhyagiri

INS Vindhyagiri : नौदलाची ताकद वाढणार! राष्ट्रपती मुर्मू यांनी केले ‘आयएनएस विंध्यगिरी’ युद्धनौकेचे उद्घाटन

ही युद्धनौका हवा, जमीन आणि जल या आव्हानांचा सामना करण्यास सक्षम आहे.

विशेष प्रतिनिधी

नवी दिल्ली : राष्ट्रपती द्रौपदी मुर्मू यांनी गुरुवारी आधुनिक युद्धनौका INS विंध्यगिरी (P17A) चे उद्घाटन केले. हुगळी नदीच्या काठावर असलेल्या ‘गार्डन रीच शिपबिल्डर्स अँड इंजिनिअरिंग लिमिटेड’च्या आवारात राष्ट्रपती मुर्मू यांनी युद्धनौकेचे उद्घाटन केले. ही युद्धनौका हवा, जमीन आणि जल या आव्हानांचा सामना करण्यास सक्षम आहे. The strength of the navy will increase President Murmu inaugurated the warship INS Vindhyagiri

यावेळी पश्चिम बंगालचे राज्यपाल सीव्ही आनंद बोस आणि मुख्यमंत्री ममता बॅनर्जीही उपस्थित होते. भारतीय नौदलाच्या ‘प्रोजेक्ट 17 अल्फा’ अंतर्गत तयार करण्यात आलेल्या सात जहाजांपैकी हे सहावे जहाज आहे. या अत्याधुनिक युद्धनौकेच्या समावेशामुळे नौदलाच्या सामर्थ्यात लक्षणीय वाढ होणार आहे.

या प्रकल्पांतर्गत तयार करण्यात आलेल्या पाच युद्धनौका २०१९ ते २०२२ दरम्यान लाँच करण्यात आल्या. या प्रकल्पांतर्गत गार्डन रीच शिपबिल्डर्स अँड इंजिनिअरिंग लिमिटेड तीन युद्धनौका तयार करणार होते आणि ही आयएनएस विंध्यगिरी ही तिसरी युद्धनौका आहे.

उर्वरित चार युद्धनौका माझगाव डॉक लिमिटेड महाराष्ट्रात बांधत आहेत. अधिकाऱ्यांनी सांगितले की, या युद्धनौकेचे 75 टक्के भाग स्वदेशी कंपन्या आणि मध्यम आकाराच्या कंपन्यांनी म्हणजेच एमएसएमई कंपन्यांनी बनवले आहेत. नौदलात सामील होण्यापूर्वी अनेक चाचण्या केल्या जातील.