पाकिस्तानात ईशनिंदेच्या आरोपावरून जमावाने चर्चसह ख्रिश्चनांची घरे जाळली; सरकार-लष्कराची अळीमिळी गुपचिळी|Mobs burn Christian homes, churches, on charges of blasphemy in Pakistan; Govt-army swallows and keeps silent

पाकिस्तानात ईशनिंदेच्या आरोपावरून जमावाने चर्चसह ख्रिश्चनांची घरे जाळली; सरकार-लष्कराची अळीमिळी गुपचिळी

वृत्तसंस्था

इस्लामाबाद : पाकिस्तानच्या पंजाब प्रांतातील फैसलाबाद शहरात बुधवारी कट्टरवाद्यांनी तीन चर्च पेटवून दिल्या. याशिवाय ख्रिश्चनांची घरे आधी लुटण्यात आली, त्यानंतर त्यांना आग लावण्यात आली. कट्टरपंथी गटांचा आरोप आहे की चर्चच्या माध्यमातून ईशनिंदेला प्रोत्साहन दिले जात आहे.Mobs burn Christian homes, churches, on charges of blasphemy in Pakistan; Govt-army swallows and keeps silent

या घटनेचे अनेक व्हिडिओ सोशल मीडियावर व्हायरल होत आहेत. यामध्ये आरोपींचे चेहरेही ओळखता येतात. विशेष म्हणजे सर्व व्हिडीओ समोर आल्यानंतरही आतापर्यंत पाकिस्तानच्या काळजीवाहू सरकार आणि लष्कराने कोणतेही वक्तव्य जारी केलेले नाही.

पाकिस्तानात 4 चिनी अभियंत्यांसह 13 ठार; बलुच दहशतवादी संघटनेने स्वीकारली हल्ल्याची जबाबदारी

पोलिस तमाशा बघतच राहिले

‘पाकिस्तान डेली’च्या वृत्तानुसार – बुधवारी सकाळी फैसलाबादमध्ये अफवा पसरली की येथील चर्चमध्ये ईशनिंदा करण्यात आली आहे. अनेक दिवसांपासून ही प्रक्रिया सुरू असून परिसरात राहणारे ख्रिश्चन त्याचा प्रचार करत असल्याचेही सांगण्यात आले. दुसरीकडे, ‘द डॉन’ या वृत्तपत्राशी संवाद साधताना ख्रिश्चन समुदायाचे नेते इम्रान भाटी म्हणाले – आमच्या तीन चर्चला लक्ष्य करण्यात आले आहे. तोडफोड करून ही आग लावण्यात आली. येथे राहणाऱ्या ख्रिश्चनांची घरे लुटली गेली. यानंतर तेथे जाळपोळही करण्यात आली.

काही वेळातच शेकडो धर्मांध जारनवाला परिसरातील चर्च आणि ख्रिश्चन वस्तीत पोहोचले. या सर्वांच्या हातात धारदार शस्त्रे, काठ्या आणि पेट्रोल होते. सर्वप्रथम या लोकांनी चर्चमध्ये प्रवेश केला. तेथे तोडफोड केली. यानंतर चर्चच्या छतावर पोहोचले आणि क्रॉस तोडून टाकला. काही वेळाने पेट्रोल टाकून चर्च पेटवण्यात आले.

हा जमाव एवढ्यावरच थांबला नाही. त्यांनी परिसरात राहणाऱ्या सर्व ख्रिश्चन लोकांच्या घरांना लक्ष्य केले. त्यांना त्यांची नावे विचारण्यात आली आणि त्यानंतर त्यांना रस्त्यावर मारहाण करण्यात आली. आश्‍चर्याची बाब म्हणजे पोलिसांसमोरच हा सर्व प्रकार घडला आणि ते तमाशा बघतच राहिले.

गुन्हा दाखल होऊनही प्रश्नचिन्ह कायम

या घटनेचा व्हिडिओ सोशल मीडियावर व्हायरल झाल्यानंतर काही तासांपर्यंत पोलिसांनी कोणतीही कारवाई केली नसल्याचा दावा एका मीडिया रिपोर्टमध्ये करण्यात आला आहे. एकही जबाबदार अधिकारी घटनास्थळी पोहोचला नाही.

याच वृत्तात म्हटले आहे की, याप्रकरणी गुन्हा दाखल झाला आहे की नाही, हे अद्यापही पोलिस सांगायला तयार नाहीत. जमाव ख्रिश्चन समाजाविरोधात घोषणा देत होता.