“पृथ्वीवरील सर्वात भाग्यवान माणूस”: शिल्पकार अरुण योगीराज यांची भावना!

By, Pravin Pawar - January 22, 2024 10:00:31

0

अरुण योगीराज यांनी घडवलेली रामलल्लाची मूर्ती मंदिरात विराजमान झाली आहे.

विशेष प्रतिनिधी

अयोध्या : रामललाची मूर्ती बनवणारे शिल्पकार अरुण योगीराज यांनी स्वत:ला पृथ्वीवरील सर्वात भाग्यवान व्यक्ती असल्याचे सांगितले आहे. कर्नाटकचे शिल्पकार अरुण योगीराज आज राम मंदिराच्या अभिषेक प्रसंगी सहभागी झाले होते. The Luckiest Man on Earth Sculptor Arun Yogirajs Feelings

अरुण योगीराज यांनी वृत्तसंस्था एएनआयला सांगितले की, “मला वाटते की मी आता या पृथ्वीवरील सर्वात भाग्यवान व्यक्ती आहे. माझे पूर्वज, कुटुंबातील सदस्य आणि प्रभू राम यांचे आशीर्वाद नेहमीच माझ्या पाठीशी राहिले आहेत. कधीकधी मला असे वाटते की मी स्वप्नांच्या जगात आहे. ”

‘माझ्या मुलाने साकारलेली रामलल्लाची मूर्ती संपूर्ण जगाला दिसेल’, अरुण योगीराजांच्या आईचे आनंदाश्रू थांबेना!

आज अयोध्येतील नवीन मंदिरात सोन्याने आणि फुलांनी सजवलेल्या रामललाच्या 51 इंची मूर्तीचा ‘अभिषेक’ करण्यात आला आहे. समारंभाच्या काही वेळापूर्वी मूर्तीचे अनावरण करण्यात आले. पंतप्रधान मोदी अभिषेक सोहळ्याचे प्रमुख यजमान होते. यावेळी अनेक संतांनी मंदिराच्या गाभार्‍यात मंत्रोच्चार करून कार्यक्रम पूर्ण केला.

राम मंदिरात प्राणप्रतिष्ठा झाल्यानंतर रामलल्लाची पहिली झलक समोर आली आहे. रामललाच्या डोळ्यात निरागसता, ओठांवर हसू, चेहऱ्यावर अप्रतिम तेज. रामलल्लाची पहिली झलक हृदयात स्थिरावणारी आहे. परमेश्वराचे पहिले दर्शन पाहून एक गोष्ट स्पष्ट होते की कर्नाटकचे शिल्पकार अरुण योगीराज यांनी अतिशय सुंदर मूर्ती तयार केली आहे. रामलल्लाच्या अभिषेकनंतर पंतप्रधान नरेंद्र मोदींनी रामलल्लाची आरती केली. हे भव्य आणि दिव्य दृश्य मन मोहून टाकणारे होते.