मध्य प्रदेशात तब्बल 60000 पेक्षा अधिक वृद्ध आणि दिव्यांग मतदारांचे घरातून मतदान!!; निवडणूक आयोगाचा प्रयोग यशस्वी The Election Commission's experiment was a success

मध्य प्रदेशात तब्बल 60000 पेक्षा अधिक वृद्ध आणि दिव्यांग मतदारांचे घरातून मतदान!!; निवडणूक आयोगाचा प्रयोग यशस्वी

वृत्तसंस्था

भोपाळ : निवडणूक आयोगाने भारताच्या निवडणूक इतिहासात प्रथमच राबविलेल्या प्रयोग मध्य प्रदेशात यशस्वी ठरला आहे. घरातून मतदान करण्याचा हा प्रयोग होता. राज्यात तब्बल 60000 पेक्षा जास्त वृद्ध आणि दिव्यांगांनी घरातून मतदान करत या उपक्रमाला प्रतिसाद दिला. The Election Commission’s experiment was a success

मध्य प्रदेशाचे मुख्य निर्वाचन अधिकारी अनुपम राजन यांनी ही माहिती दिली. 80 वर्षांपेक्षा ज्यांचे जास्त आहे, अशा वृद्ध मतदारांकरता निवडणूक आयोगाने घरातून मतदानाची सोय केली होती. त्यासाठी विशिष्ट फॉर्म भरून घेतले होते. राज्यातल्या वृद्धांनी त्याला चांगला प्रतिसाद दिला.

#WATCH भोपाल: मध्य प्रदेश के मुख्य निर्वाचन अधिकारी अनुपम राजन ने बताया, "…इस बार 80 वर्ष से अधिक और दिव्यांग मतदाताओं के लिए घर से मतदान करवाया गया था। 80 वर्ष से अधिक उम्र के लोग जिन्होंने घर से मतदान किया उनकी संख्या 51,259 है। जिन दिव्यांग मतदाताओं ने घर से मतदान किया उनकी… pic.twitter.com/9J5oWGgdTg

— ANI_HindiNews (@AHindinews) December 1, 2023

51,259 वृद्ध मतदारांनी घरातून मतदान करण्याचा पर्याय निवडून त्या पद्धतीने मतदान केले. दिव्यांगांसाठी देखील हाच पर्याय उपलब्ध करून देण्यात आला होता. राज्यातल्या 12,093 दिव्यांगांनी घरातून मतदान केले. अत्यावश्यक सेवेतील, जसे की फायर ब्रिगेड वैद्यकीय सेवा अशांमध्ये सहभागी असलेल्या 1113 मतदारांनी देखील याच सुविधा लाभ घेत मतदान केले. त्यामुळे निवडणूक आयोगाचा घरातून मतदान करण्याचा पहिला प्रयोग मध्य प्रदेशात यशस्वी ठरला. आता 2024 च्या लोकसभा निवडणुकीत निवडणूक आयोग हा प्रयोग देशात सर्वत्र राबविण्याचा विचार करत आहे.+