Maldives : ‘थँक्यू इंडिया’, संकटात सापडलेल्या मालदीवच्या मदतीला भारतच आला धावून

By, Pravin Pawar - September 21, 2024 02:30:55

0

मुइज्जू सरकारचे म्हणणे ऐकून चीन आणि पाकिस्तानला धक्का

विशेष प्रतिनिधी

नवी दिल्ली : भारताविरुद्ध गरळ ओकणाऱ्या आणि ‘इंडिया आउट’ मोहीम राबवणाऱ्या मालदीवच्या मदतीसाठी अखेर भारतच पुढे आला आहे. मुइझू सरकारच्या विनंतीवरून, भारताने मालदीवला 50 दशलक्ष डॉलर्सचे ट्रेझरी बिल आणखी एक वर्षासाठी वाढवण्याचा निर्णय घेतला आहे. भारताकडून मिळालेल्या अर्थसंकल्पीय मदतीबद्दल मुइझू सरकारने पंतप्रधान मोदींचे आभार मानले आहेत.

स्टेट बँक ऑफ इंडिया (SBI) ने मागील सबस्क्रिप्शन पूर्ण केल्यावर आणखी एक वर्षासाठी मालदीव सरकारच्या 50 दशलक्ष डॉलर्स ट्रेझरी बिलांची सदस्यता घेतली आहे, असे भारतीय उच्चायोगाने एका निवेदनात म्हटले आहे.

Shambhuraj Desai : मराठा आरक्षणासंदर्भात सोमवारी महत्त्वाची बैठक, हैदराबाद गॅझेट शिंदे समितीकडे सुपूर्द

या वर्षी मे महिन्यात, SBI ने मालदीव सरकारच्या विनंतीवरून जुन्या व्यवस्थेअंतर्गत 50 दशलक्ष डॉलर्स किमतीची ट्रेझरी बिलांची सदस्यता घेतली होती. या सबस्क्रीप्शन मालदीव सरकारच्या विशेष विनंतीनुसार “आपत्कालीन आर्थिक सहाय्य” म्हणून करण्यात आल्या आहेत.

भारताने दिलेल्या मदतीवर मालदीवचे पर्यटन मंत्री अहमद अदीब यांनी प्रतिक्रिया दिली. “50 दशलक्ष डॉलर्स ट्रेझरी बिलांसह महत्त्वपूर्ण अर्थसंकल्पीय समर्थन वाढवल्याबद्दल कृतज्ञता व्यक्त केली,” अदीब यांनी ट्विटरवर लिहिले की यामुळे आमच्या देशांमधील सखोल संबंध मजबूत होतात आणि आमचा मार्ग निश्चित होतो विकासाच्या दिशेने बळकट होते.