भारत मित्र देश रशियाला करतोय मोलाची मदत! आयात पाच पटीने वाढली

By, Sachin Sutar - March 15, 2023 11:44:33

0

चालू आर्थिक वर्षाच्या पहिल्या ११ महिन्यांत रशिया हा भारताचा चौथा सर्वात मोठा आयात स्रोत बनला आहे.

प्रतिनिधी

नवी दिल्ली : एक वर्षाहून अधिक काळ सुरू असलेल्या रशिया-युक्रेन युद्धाच्या काळात भारत आपला जुना मित्र रशियाला शक्य ती सर्वतोपरी मदत करत आहे. चालू आर्थिक वर्षात रशियाकडून भारताची आयात जवळपास पाच पटीने वाढली आहे. Russia has become Indias fourth largest source of imports in the first 11 months of the current financial year

वाणिज्य मंत्रालयाकडून मिळालेल्या आकडेवारीनुसार, कच्च्या तेलाची आवक वाढल्यामुळे, चालू आर्थिक वर्षात (२०२२-२३) ११ महिन्यांत म्हणजेच एप्रिल-फेब्रुवारी या कालावधीत रशियाकडून भारताची आयात जवळपास पाच पटीने वाढून ४१.५६ अब्ज डॉलर राहिली.

मागील आर्थिक वर्षात (२०२१-२२), रशिया हा भारताचा अठरावा सर्वात मोठा आयात भागीदार होता. या कालावधीत आयात ९.८६ अब्ज डॉलर होती. भारताच्या एकूण तेल आयातीपैकी फक्त ०.२ टक्के रशियामधून तेल आयात होते. रशियाने जानेवारीमध्ये आयात केलेल्या एकूण तेलाच्या २८ टक्के तेलाचा पुरवठा केला आहे.

महाराष्ट्र सत्तासंघर्ष : बहुमत चाचणीला जे सामोरे गेलेच नाहीत, ते राज्यपालांना विचारताय बहुमत चाचणीचे आदेश का दिले? – तुषार मेहता

चालू आर्थिक वर्षाच्या पहिल्या ११ महिन्यांत रशिया हा भारताचा चौथा सर्वात मोठा आयात स्रोत बनला आहे. रशिया-युक्रेन संघर्ष सुरू होण्यापूर्वी भारताच्या कच्च्या तेलाच्या आयातीत रशियाचा वाटा एक टक्क्यांपेक्षा कमी होता. ते जानेवारीत वाढून १.२७ दशलक्ष बॅरल प्रतिदिन झाले. यामुळे हा हिस्सा २८ टक्क्यांपर्यंत वाढला..

चीन आणि अमेरिकेनंतर भारत हा जगातील तिसरा सर्वात मोठा कच्च्या तेलाचा आयातदार आहे. भारत आता रशियाकडून सवलतीच्या दरात तेल खरेदी करत आहे. विशेष म्हणजे रशियाने युक्रेनवर केलेल्या हल्ल्यानंतर पाश्चात्य देशांनी रशियासोबतचा व्यापार बंद केला होता.