Reserve Bank : रिझर्व्ह बँकेचा सर्वसामान्यांना दिलास! व्याजदरात ०.५० टक्के कपात; रेपो दर ५.५ टक्के झाला

By, Pravin Wankhade - June 6, 2025 11:50:49

0

या वर्षी RBI ने सलग ३ वेळा रेपो दरात कपात केली आहे. Reserve Bank

विशेष प्रतिनिधी

नवी दिल्ली : भारतीय रिझर्व्ह बँकेने आज सलग तिसऱ्यांदा रेपो दरात कपात केली आहे. यावेळी RBI ने रेपो दरात ५० बेसिस पॉइंट्स म्हणजेच ०.५० टक्के कपात केली आहे. रिझर्व्ह बँकेचे गव्हर्नर संजय मल्होत्रा यांनी शुक्रवारी रेपो दरात ०.५० टक्के कपात करण्याची घोषणा केली. आजच्या ताज्या निर्णयानंतर, रेपो दर आता ६.०० टक्क्यांवरून ५.५० टक्क्यांवर आला आहे. Reserve Bank

बुधवार, ४ जून रोजी सुरू झालेल्या रिझर्व्ह बँकेच्या चलनविषयक धोरण समितीच्या बैठकीचा आज शेवटचा दिवस होता. रिझर्व्ह बँकेचे गव्हर्नर संजय मल्होत्रा यांच्या नेतृत्वाखालील या महत्त्वाच्या बैठकीत रेपो दर कमी करण्याचा निर्णय घेण्यात आला. खरंतर अनेक तज्ञांनी रेपो दरात ०.२५ टक्के कपात होण्याची शक्यता वर्तवली होती.

या वर्षी RBI ने सलग ३ वेळा रेपो दरात कपात केली आहे. यापूर्वी ७ फेब्रुवारी रोजी आरबीआयने रेपो दरात ०.२५ टक्के कपात केली होती, जो ६.५० टक्क्यांवरून ६.२५ टक्के झाला होता. त्यानंतर ९ एप्रिल रोजी रिझर्व्ह बँकेनेही रेपो दरात ०.२५ टक्के कपात केली होती, ज्यामुळे रेपो दर ६.२५ टक्क्यांवरून ६.०० टक्के झाला होता.

Devendra Fadnavis : जोतिबा डोंगर परिसरातील जंगल पुन्हा ‘दख्खन केदारण्य’ या नावाने निर्माण करण्याचा संकल्प

फेब्रुवारी २०२५ मध्ये, सुमारे ५ वर्षांच्या दीर्घ कालावधीत पहिल्यांदाच रेपो दरात कपात करण्यात आली होती. फेब्रुवारी २०२५ पूर्वी, मे २०२० मध्ये आरबीआयने रेपो दरात कपात केली होती. त्यानंतर कोविड दरम्यान देशाच्या अर्थव्यवस्थेला गती देण्यासाठी रिझर्व्ह बँकेने रेपो दरात ०.४० टक्के (४० बेसिस पॉइंट्स) कपात केली होती. जून २०२३ मध्ये आरबीआयने रेपो दर ६.५ टक्के वाढवला होता. जून २०२३ नंतर, फेब्रुवारी २०२५ मध्ये पहिल्यांदाच रेपो दरात कोणताही बदल करण्यात आला होता. Reserve Bank

जाणून घ्या सामान्य लोकांना काय फायदा होईल?

आरबीआयच्या या निर्णयामुळे देशातील कोट्यवधी सामान्य लोकांना मोठा दिलासा मिळेल. रेपो दर कमी केल्याने आता त्यांना गृहकर्ज, कार कर्ज, वैयक्तिक कर्ज तुलनेने स्वस्त व्याजदरात मिळेल. कर्ज स्वस्त झाल्यामुळे लोकांचा ईएमआय देखील कमी होईल आणि ते आता अधिक बचत करू शकतील. इतकेच नाही तर ईएमआयमधील बचतीमुळे सामान्य लोक त्यांच्या इतर गरजा पूर्ण करू शकतील किंवा इतर गोष्टींवर अधिक खर्च करू शकतील.