ब्रिटिश पीएम ऋषी सुनक यांच्याविरुद्ध बंडाची तयारी; 100 खासदार राजीनामा देण्याची शक्यता

By, Pravin Wankhade - February 20, 2024 10:00:41

0

वृत्तसंस्था

लंडन : ब्रिटनमध्ये भारतीय वंशाचे पंतप्रधान ऋषी सुनक यांच्या हुजूर पक्षात सर्वकाही ठिकठाक दिसत नाही. सरकारी धोरणांचा विरोध आणि भ्रष्टाचार प्रकरणांमुळे हुजूर पक्ष पोटनिवडणुकांत सतत पराभूत होण्याची परंपरा मोडत नाही. नुकतेच, एका वृत्तात दावा केला की, हुजूर पक्षाच्या १०० जास्त खासदारांनी निवडणुकीआधी पक्षाचा राजीनामा देण्याचा निर्णय घेतला आहे. वृत्तानुसार, खासदारांना वाटते की, आगामी निवडणुकांत ते आपली जागा गमावतील. यासोबत त्यांच्यासोबत अनेक खासदारांनी राजकारणातून निवृत्ती घेण्याचा निर्णय घेतला आहे आणि त्यांनी खासगी क्षेत्रात नोकरी शोधण्यास सुरुवात केली आहे.या महिन्यात हाऊस ऑफ कॉमन्सच्या जस्टिस कमिटीचे प्रमुख सर बॉब नेइल व माजी चान्सलर क्वासी क्वातेंग यांनी संसद सोडण्याची घोषणा केली आहे.Rebellion Preparations Against British PM Rishi Sunak; 100 MPs likely to resign

बेकायदेशीर स्थलांतरितांना ब्रिटनमध्ये नो एंट्री, पंतप्रधान ऋषी सुनक यांनी आणला आजपर्यंतचा सर्वात कठोर कायदा

२०१९ नंतर १० पोटनिवडणुकीत हुजूर पक्षाचा पराभव

ब्रिटनमधील 2019 च्या सार्वत्रिक निवडणुकीत, माजी पंतप्रधान बोरिस जॉन्सन यांनी पक्षाला पुरेसे बहुमत दिले , परंतु त्यानंतर त्याच टर्ममध्ये पक्षाने 10 हून अधिक पोटनिवडणुका गमावल्या. अलीकडेच, वेलिंगबर्ग व किंग्सवूडच्या पराभवाने कंझर्व्हेटिव्ह (हुजूर) खासदार चिंतेत पडले. कंझर्व्हेटिव्ह खासदार पीटर बोन यांना हटवल्यानंतर वॉलिंगबर्गमध्ये ही निवडणूक झाली. तेथे लेबर पार्टीचे खासदार जेन किचन यांना 45.8% मते मिळाली.ही जागा 2005 पासून कंझर्व्हेटिव्ह पक्षाकडे होती. किंग्सवूडमध्येही हीच परिस्थिती होती, जिथे मजूर पक्षाला 44.9% मते मिळाली, जी गेल्या वेळेपेक्षा 16.4% जास्त आहे. ही जागा 2010 पासून कंझर्व्हेटिव्ह पक्षाकडे होती.

चिंता: आर्थिक संकटातून बाहेर काढण्यात सुनक यांना अपयश

ब्रिटनची अर्थव्यवस्था रुळावर आणण्यात सुनक यांना यश आलेले नाही. या आठवड्यात प्रसिद्ध झालेल्या डेटानुसार,यूकेची अर्थव्यवस्था 2023 च्या दुसऱ्या सहामाहीत मंदीच्या जाळ्यात आली आहे. सुनक यांची लोकप्रियता नीचांकीत आल्याचे यू-गोव सर्व्हेक्षणातून समोर आले आहे. 70% ब्रिटिश उत्तरदाते त्यांच्या कामावर समाधानी नाहीत.

विरोधकांचा हल्ला: देशाला बदल हवा : मजूर पक्ष

मजूर पक्षही हुजूर पक्षावर हल्लाबोल करत आहे. पोटनिवडणुकीच्या निकालानंतर कामगार नेते कीर स्टारमर म्हणाले की, निकालाने स्पष्ट केले आहे की देशाला बदल हवा आहे. स्टारमर म्हणतात की आमच्या पक्षाला टोरी स्विचर मिळत आहेत हे पाहून खूप आनंद झाला. ज्यांनी यापूर्वी मजूर पक्षाला मतदान केले नव्हते, त्यांनी या वेळी केले.