Rahul Gandhi : भारतीय सैन्यावरील अपमानास्पद टिप्पणी प्रकरणी राहुल गांधींना समन्स

By, Pravin Wankhade - February 12, 2025 07:30:15

0

२४ मार्च रोजी न्यायालयात सुनावणी होणार

विशेष प्रतिनिधी

नवी दिल्ली : Rahul Gandhi लोकसभेतील काँग्रेसचे विरोधी पक्षनेते आणि खासदार राहुल गांधी यांना उत्तर प्रदेशची राजधानी लखनऊच्या एमपी एमएलए कोर्टाने समन्स बजावले आहे. भारत जोडो यात्रेदरम्यान भारतीय सैन्याविरुद्ध केलेल्या कथित अपमानास्पद टिप्पणीप्रकरणी लखनऊ न्यायालयाने समन्स जारी केले आहे. मध्य प्रदेशच्या आमदार न्यायालयाने राहुल गांधींना २४ मार्च रोजी हजर राहण्याचे आदेश दिले आहेत.Rahul Gandhi

दिल्लीच्या मराठी साहित्य संमेलनात “राजकीय काडी”; एकनाथ शिंदेंना शरद पवार घालणार शिंदेशाही पगडी!!

बॉर्डर रोड ऑर्गनायझेशनचे माजी संचालक उदय शंकर श्रीवास्तव यांनी राहुल गांधींविरुद्ध न्यायालयात तक्रार दाखल केली आहे. त्यानंतर न्यायालयाने त्यांना भारतीय सैन्याविरुद्ध अपमानास्पद टिप्पणी केल्याबद्दल समन्स बजावले आहे.

६ डिसेंबर २०२२ रोजी भारत जोडो यात्रेदरम्यान राहुल गांधींनी भारतीय सैन्यावर भाष्य केले होते. तक्रारीनुसार, राहुल गांधी यांनी पत्रकारांना सांगितले की, ९ डिसेंबर २०२२ रोजी चिनी सैनिकांनी भारतीय सैनिकांना केलेल्या मारहाणीबद्दल कोणी काही का विचारत नाही? १२ डिसेंबर २०२२ रोजी भारतीय लष्कराने राहुल गांधींच्या विधानाचे खंडन केले.