Putin : ‘आम्ही भारताला केवळ शस्त्रे विकत नाही, आमचे नाते विश्वासावर आधारित आहे’

By, Pravin Pawar - November 8, 2024 06:10:00

0

जाणून घ्या, पुतीन आणखी काय बोलले की अमेरिकेलाही पुतिन?

विशेष प्रतिनिधी

नवी दिल्ली :Putin रशियाचे राष्ट्राध्यक्ष व्लादिमीर पुतिन यांनी म्हटले आहे की, भारताची अर्थव्यवस्था सध्या इतर कोणत्याही देशाच्या तुलनेत वेगाने वाढत असल्याने जागतिक महासत्तांच्या यादीत समाविष्ट होण्यास भारत पात्र आहे. ‘वाल्डाई डिस्कशन क्लब’च्या एका सत्राला संबोधित करताना पुतिन यांनी गुरुवारी (७ नोव्हेंबर २०२४) सांगितले.Putin

“जगाने पाहावे की किती प्रकारची रशियन लष्करी शस्त्रे भारतीय सशस्त्र दलांच्या सेवेत आहेत. या संबंधात बरेच काही आहे. आम्ही आमची शस्त्रे भारताला केवळ विकत नाही. रशिया भारतासोबत सर्व दिशांनी संबंध विकसित करत असून द्विपक्षीय संबंधांमध्ये दोन्ही देशांचा एकमेकांवर गाढ विश्वास असल्याचेही पुतीन म्हणाले.

Bhaskar Jadhav रामटेकमधील बंडखोरीवरुन भास्कर जाधवांनी काँग्रेसला सुनावले; ही काँग्रेसची नैतिक जबाबदारी नाही का?

ते म्हणाले की, भारत आर्थिक प्रगतीत जगात अग्रेसर आहे. “आमचे संबंध कुठे आणि कोणत्या वेगाने विकसित होतील याची आमची दृष्टी आजच्या वास्तविकतेवर आधारित आहे. आमचे सहकार्य दरवर्षी अनेक पटींनी वाढत आहे,” असे रशियन वृत्तसंस्था पुतीनच्या हवाल्याने म्हटले आहे.

पुतिन यांनी उदाहरण म्हणून ब्रह्मोस क्रूझ क्षेपणास्त्र प्रकल्पाचा उल्लेख केला. ते म्हणाले, “वास्तविक, आम्ही ते (क्षेपणास्त्र) हवा, समुद्र आणि जमीन या तीन वातावरणात वापरण्यासाठी योग्य बनवले आहे. हे प्रकल्प भारताच्या सुरक्षेसाठी सुरू आहेत.”