Amit Malviya : लोकसभा निवडणुकीचे निकाल असे लागले नसते तर… असं प्रियंका गांधी लोकसभेतील भाषणात म्हणाल्या आहेत..

By, Pravin Wankhade - December 14, 2024 05:53:22

0

विशेष प्रतिनिधी

नवी दिल्ली : Amit Malviya भारतीय जनता पार्टी आयटी विभागाचे प्रमुख अमित मालवीय यांनी शुक्रवारी सांगितले की, काँग्रेस खासदार प्रियांका गांधी वढेरा यांचे लोकसभेतील पहिले भाषण हे त्यांचे भाऊ आणि विरोधी पक्षनेते राहुल गांधींच्या राजकीय कारकिर्दीला “सर्वात मोठा धोका” असल्याचे संकेत आहे.Amit Malviya

कनिष्ठ सभागृहातील आपल्या 32 मिनिटांच्या भाषणात प्रियांका गांधी यांनी अनेक विरोधी मुद्दे मांडले, ज्यात संविधान बदलण्याचे भाजपचे कथित प्रयत्न, एकाच गटाची वाढती मक्तेदारी, महिलांवरील अत्याचार, संभल आणि मणिपूरमधील हिंसाचाराच्या घटना आणि देशव्यापी जात जनगणनेचा समावेश होता.

Maharashtra ministry formula : मंत्रिमंडळ विस्तारात भाजपचेच वर्चस्व??; हे तर महाराष्ट्राच्या जनमताच्या कौलाचे प्रतिबिंब!!

प्रियंकाच्या भाषणावर टिप्पणी करताना, मालवीय यांनी ‘X’ वर एका पोस्टमध्ये म्हटले आहे की, “प्रियांका वढेरांचे पहिले भाषण हे काही संकेत असेल तर, ते राहुल गांधींच्या राजकीय कारकिर्दीसाठी सर्वात मोठा धोका आहे, केवळ त्यांच्या भावी उत्तराधिकारी म्हणूनही नाही. तर अशी व्यक्ती म्हणूनही ज्या सार्वजनिक जीवनात त्यांच्या पुढे निघू शकतात.

लोकसभेत संविधानावरील चर्चेत भाग घेत असताना केरळमधील वायनाडमधून निवडून आलेल्या खासदार प्रियंका यांनी पंतप्रधान नरेंद्र मोदी आणि सरकारवर हल्ला चढवला आणि म्हटले की, कदाचित पंतप्रधानांना हेच समजले नाही की संविधान हे. ‘संघाचे विधान’ नाही.

त्या म्हणाले की, संविधान हे न्याय, एकता आणि अभिव्यक्ती स्वातंत्र्याचे रक्षक आहे, परंतु भाजपच्या नेतृत्वाखालील सरकारने गेल्या 10 वर्षात ते मोडीत काढण्याचे सर्वतोपरी प्रयत्न केले. लोकसभा निवडणुकीचे निकाल असे लागले नसते तर या सरकारने राज्यघटना बदलण्याचे काम केले असते, असेही त्या म्हणाले. त्याचवेळी, काँग्रेस अध्यक्ष मल्लिकार्जुन खरगे, लोकसभेतील विरोधी पक्षनेते राहुल गांधी आणि इतर अनेक नेत्यांनी प्रियांकाच्या लोकसभेतील पहिल्या भाषणाचे कौतुक केले आणि त्यांनी ‘सरकारला आरसा दाखवला’ असे म्हटले.