पंतप्रधान मोदींची आज कर्नाटकात निवडणूक रॅली, तर तामिळनाडूत होणार रोड शो!|Prime Minister Modis election rally in Karnataka today road show to be held in Tamil Nadu

पंतप्रधान मोदींची आज कर्नाटकात निवडणूक रॅली, तर तामिळनाडूत होणार रोड शो!

निवडणूक कार्यक्रम जाहीर झाल्यानंतर मोदी आज प्रथमच दक्षिण भारतात जाहीर सभेला संबोधित करणार

विशेष प्रतिनिधी

नवी दिल्ली: पंतप्रधान नरेंद्र मोदी आज (सोमवार) कर्नाटकातील शिवमोग्गा येथे निवडणूक रॅलीला संबोधित करणार आहेत. यानंतर सायंकाळी तामिळनाडूतील कोईम्बतूर येथे रोड शो होणार आहे. लोकसभा निवडणुकीच्या तारखांची घोषणा झाल्यानंतर पंतप्रधान मोदींनी निवडणूक रॅली सुरू केल्या आहेत.Prime Minister Modis election rally in Karnataka today road show to be held in Tamil Nadu

निवडणुकीच्या घोषणेनंतर आंध्रप्रदेशात मोदींची गर्जना, म्हणाले तिसऱ्या टर्ममध्ये…

तत्पूर्वी, पंतप्रधान मोदींनी मार्चच्या पहिल्या आणि दुसऱ्या आठवड्यात देशभरातील शेकडो विकास प्रकल्पांचे उद्घाटन आणि पायाभरणी केली. यानंतर पंतप्रधान मोदींनी निवडणूक प्रचारसभांना सुरुवात केली आहे. उल्लेखनीय म्हणजे शनिवारी निवडणूक आयोगाने लोकसभा निवडणुकीच्या तारखा जाहीर केल्या. त्यानंतर सर्वच राजकीय पक्षांनी प्रचारास सुरुवात केली. निवडणूक कार्यक्रम जाहीर झाल्यानंतर पंतप्रधान मोदी आज प्रथमच दक्षिण भारतात जाहीर सभेला संबोधित करणार आहेत.

जाहीर सभेला अडीच लाखांहून अधिक लोक येऊ शकतात –

शिवमोग्गा येथे भाजपच्या मोदींच्या सभेला अडीच लाख लोक उपस्थित राहण्याची शक्यता आहे. राज्यातील पक्षाचे सर्वात मोठे नेते आणि माजी मुख्यमंत्री बीएस येडियुरप्पा यांच्या गृह जिल्ह्यातील अल्लामा प्रभू मैदानावर दुपारी 2 वाजता होणाऱ्या या कार्यक्रमाला सुमारे 2.5 लाख लोक उपस्थित राहतील, अशी अपेक्षा भाजप नेत्यांची आहे. मात्र, भाजपचे ज्येष्ठ नेते आणि कर्नाटकचे माजी उपमुख्यमंत्री के एस ईश्वरप्पा या जाहीर सभेला उपस्थित राहणार नाहीत.