पूजा खेडकरच्या अडचणीत वाढ, केंद्राने पालकांच्या वैवाहिक जीवनाबाबत मागवली माहिती

By, Pravin Wankhade - July 24, 2024 05:00:34

0

तिचे आई-वडील वेगळे झाले असून ती आईसोबत राहत होती, तर तिचे वडील सरकारी नोकरीत क्लास वन अधिकारी होते

विशेष प्रतिनिधी

अनेक वादांनी घेरलेल्या आयएएस प्रशिक्षणार्थी पूजा खेडकरच्या अडचणीत वाढ होत आहे. आता केंद्र सरकारने पुणे पोलिसांकडून त्याच्या पालकांच्या वैवाहिक जीवनाबाबत माहिती मागवली आहे. पुणे पोलिसांच्या वरिष्ठ सूत्रांकडून मिळालेल्या माहितीनुसार, केंद्र सरकारने पुणे पोलिसांना पूजा खेडकरच्या पालकांच्या वैवाहिक स्थितीची माहिती देण्याचे निर्देश दिले आहेत. पूजाने UPSC परीक्षेत इतर मागासवर्गीय (OBC) नॉन-क्रिमी लेयर कोट्याचा लाभ मिळवला आणि तिचे आई-वडील मनोरमा आणि वडील दिलीप हे वेगळे झाल्याचा खोटा दावा करत असल्याचा आरोप समोर आला आहे.Pooja Khedkars problems increase the Center has sought information about the married life of the parents

पूजा खेडकरच्या आई आणखी दोन दिवस पोलिस कोठडीतच मुक्काम!

नियमांनुसार, ज्यांच्या पालकांचे वार्षिक उत्पन्न 8 लाख रुपयांपेक्षा कमी आहे तेच लोक OBC नॉन-क्रिमी लेयरच्या श्रेणीत येतात. पूजाने दावा केला होता की तिचे आई-वडील वेगळे झाले असून ती आईसोबत राहत होती, तर तिचे वडील सरकारी नोकरीत क्लास वन अधिकारी होते. त्यामुळेच केंद्र सरकारने पुणे पोलिसांना पूजा खेडकरच्या आई-वडिलांचे वैवाहिक जीवन आणि स्थिती याबाबत अहवाल सादर करण्याचे निर्देश दिले आहेत.

त्याचबरोबर पूजा खेडकर यांना बनावट अपंगत्व प्रमाणपत्र मिळवून देण्यात मदत करणाऱ्या डॉक्टर आणि सहाय्यकांच्या विरोधात चौकशीचे आदेश देण्यात आले आहेत. वायसीएम रुग्णालयाच्या डॉक्टरांसह पूजाला मदत करणाऱ्या सर्वांची चौकशी करण्याचे आदेश अपंग कल्याण विभागाच्या आयुक्तांनी दिले आहेत. पूजा खेडकर यांना प्रमाणपत्र देणाऱ्या समितीवर कारवाई करण्यासाठी पिंपरी महापालिकेच्या वैद्यकीय विभागाला चौकशीचे आदेश देण्यात आले आहेत.

YCM हॉस्पिटलने पूजा खेडकरला अपंगत्व प्रमाणपत्र जारी केले होते, ज्यामध्ये पूजाला तिच्या डाव्या गुडघ्यात 7 टक्के कायमचे अपंगत्व असल्याचे नमूद केले होते. तपासात दोषी आढळल्यास डॉक्टर आणि अपंगत्व प्रमाणपत्र देणाऱ्या सर्व व्यक्तींवर गुन्हा दाखल करण्यात येईल. तपासाचा संपूर्ण अहवाल जिल्हाधिकारी कार्यालयास सादर केला जाणार आहे.